tâl
tâl
[FO]
-
adi.dim.
fat in chel mût, che si intint dal contest o che al pues jessi sotintindût:
fâ in maniere che une tâl situazion e vegni cambiade (Josef Marchet, No sin contents!);
nol podeve imagjinâ che i sarès tocjade une tâl (Roberto Ongaro, Il muc);
par che il boicotament al tachi a condizionâ une aziende al baste che lis venditis a calin dal 2-5%, ma une tâl riduzion e domande un impegn organizatîf fuarton (Buteghe dal Mont, Luche Nazzi, Guide par un consum just e solidâl)
Sin. di chê sorte
, cussì
-
pron.dim.
[BF]
in bramazions o esclamazions che a pandin plasê o rassegnazion pal destin o pal compuartament di cdn. o di alc:
che se po olês / fâle par fuarce, / failte, bon pro: / tâl sei di vô (Pieri Çorut, La maridarole);
al è un vint gurizan che al sglonfe i nûi: / e che sei sglonfi pûr, tâl sei di lui (Pieri Çorut, Il Strolic mezan. Pronostic par l'an 1854)
-
adi.dim.
in corelazion cun costruzions consecutivis, al pant spec. grande fuarce, intensitât, gravitât e v.i.:
mi à molât, a mut, un tâl scufiot te muse che mi cise ancjemò (AAVV, Sul florî);
la pesantece dai vincui militârs sul teritori furlan e je dal sigûr ben grande, tâl di comprometi ben e no mâl ogni progjet di ristruturazion economiche (Adrian Cescje, Memoriis di politiche linguistiche);
al cjapà un tâl spavent che i le in svierse il sanc (Pieri Menis, Sot il puarti)
Sin. cussì grant
, tant
, tant grant
-
adi.dim.
in corelazions, par esprimi someance, identitât:
intindìnsi: jo tâl la ai comprade e tâl la vent (Luigi Gortani, Al marcjât di Vile)
-
adi.indef.
par dâ un sens di indeterminazion nomenâ o indicâ alc o cdn.:
in sumis, par fâle curte, chel lunis i rivai cuasi a puartâmi a cjase une tâl Made, fie di un dirigjent dal setour BF4R, o alc dal gjenar (Stiefin Morat, Kebar krossè);
l'è lât a trai a lodulis cul çus, / cu la buine intenzion chê sere istesse / di lâ a mangjâlis cun chê tâl contesse (Pieri Çorut, Il cjaçadôr)
Sin. ciert
-
s.m.
persone che no si sa o che no si vûl definî di precîs:
adun cul poliziot al jere un tâl, in borghês, lunc e sec. Nol tignì a ments il non, ma dome il fat che al jere comissari de brigade criminâl (Fabian Ros, Un piçul particolâr);
Min al veve cognossût un tâl di Cussignà e la prime gnot a Verone sot de Pontificie lôr doi si fevelavin cuiets par furlan (Ivano Urli, Storie di Min);
ca si conte il pecjât no il pecjatôr / e no si dîs se è Luzie o se è Catine / une tâl che va in place la matine (Pieri Çorut, La spindidorie)
Proverbis:
- tâl il pari, tâl il fi
- tâl il pastôr, tâl il maiôr
- tâl la mari e tâl la fie
- tâl le ai dite, tâl e je stade
- tâl si fâs, tâl si spiete
- tâl si vîf, tâl si mûr
- tâl tu sês, tal tu âs