Dizionari de Lenghe Furlane

dât¹  dât  [FO]

1. p.pass., adi. viôt dâ viôt dâsi
2. adi. cun funzion di adietîf indefinît:  a un dât moment o sintivi rumôrs de bande denant de cjase (Alan Brusini, Gian Paolo Linda, I forescj); la nature no cîr la ecelence, parcè che un organisim perfet intun dât contest, al socombarès di front a cambiaments di chel contest (Angelo Vianello, La evoluzion su la tiere. Une storie di competizion e cooperazion)
   Sin. ciert , determinât , tâl
3. s.m. informazion, element o serie di elements esats e cognossûts:  par une leture insot, si rimande al sît istituzionâl de Agjenzie, indulà che i dâts si cjatiju publicâts par intîr (Donato Toffoli, Relazion dal Grup di lavôr "Planificazion linguistiche"); i dâts a son incontestabii e il risultât, par dîle juste, une vore dongje de veretât (Attilio Celant, Il rûl economic dal turisim in Italie)
   Sin. element , fat¹ , informazion
4. s.m. inform. element di informazion fat di simbui:  al è evident che se n al è une vore grant i algoritmis di codificazion (e di decodificazion) a scuegnin operâ cun secuencis di dâts une vore lungjis e duncje a son simpri plui complès (Valentino Castellani, La societât de informazion: cirint lis origjins)

Polirematichis e espressions idiomatichis

• dât di fat loc.s.m.