informazion
/-òn/
in|for|ma|zi|on
[FO]
-
s.f.
il fâ savê o il vignî a savê ce che al sucêt:
garantî une informazion indipendente (Max Mauro, Un Friûl difarent: i 90 mhz di Onde Furlane)
-
s.f.
element o dât che al permet di savê alc:
des informazions ricevudis al fo subit clâr che l'atac principâl al sarès stât puartât cuintri il fuart di Marghera (Giovanni Pillinini, Zuan Batiste Cavedalis - Une vite esemplâr);
su la schede dal document si cjatin informazions su la datazion, sul autôr, sul ent produtôr e conservadôr (Federico Vicario, Documents de Ete di Mieç pal studi dal furlan antîc);
e je une schirie di informazions che si ingrume di continui te mê ment, si ingruesse simpri plui (Checo Tam, La maree nere)
Sin. indicazion
-
in particolâr tal mont de comunicazion, element che al permet di cognossi e fâ cognossi a cualchi fat sucedût di pôc o in ogni câs di interès public:
si podarès costruî e doprâ une striche di gnovis che e cor da pît dal Tg3 regjonâl par dâ informazions par furlan (Erika Adami, La promozion de lenghe furlane sui mass media)
Sin. gnove
, notizie
-
s.f.
setôr dai servizis che al cjape dentri la comunicazion di masse:
la situazion de informazion in chel moment e jere disastrose - al dîs Giorgio Cavallo, […] -, al è par chest che si sintive la dibisugne di un mieç di comunicazion viert e atent ae cuistion nazionâl furlane (Max Mauro, Un Friûl difarent: i 90 mhz di Onde Furlane)
-
s.f.
[TS]
inform.
dât o complès di dâts codificâts e metûts intun sisteme informatic
-
s.f.
[TS]
med., biol.
segnâl passât des celulis gnervosis:
lis celulis de glie […] a tegnin sù i neurons, a facilitin la trasmission des informazions eletrichis (Franc Fari, La evoluzion dal çurviel e de cussience tai vertebrâts)