Dizionari de Lenghe Furlane

determinât  de|ter|mi|nât  [CO]

1. p.pass., adi. viôt determinâ , viôt determinâsi
2. adi. che al agjìs cun decision:  l'inteletuâl determinât a sburtâ la emancipazion dal popul furlan cuintri il nazionalisim talian (Max Mauro, Felix Marchi e il sium dal furlan-furlan); un popul cussient, determinât e autonom intes propriis sieltis (Dree Valcic, Un popul unît al è plui fuart di ducj i manganei)
   Sin. energjic , fer , franc , gaiart , risolût , salt² , sfrancjât , sigûr , ustinât
3. adi. (fig.) che al à une sô identitât specifiche:  un sisteme terminologjic di riferiment, destinât ai esperts di un setôr specialistic determinât (Franco Finco, Par une terminologjie in lenghe furlane)
   Sin. particolâr , specific
   
   1. cun valôr di indefinît, par segnâ alc che al à carateristichis sôs, ma che no vegnin ditis:  par jessi in chest mont bisugne vê une muse cuntune determinade misure, cuntun determinât colôr, cuntun determinât savôr (Francesc Placerean, La Glesie universâl, cence lis Glesiis particolârs, e je un Glesie cence muse)
      Sin. ciert , cualchi