minorance
/-à-/
mi|no|ran|ce
[AF]
-
s.f.
part di un totâl che e je plui piçule di chês altris:
e à rispuindût une minorance dai destinataris che a àn vude la letare, come se la plui part o no ves capît il probleme, o no lu sintìs, o no savès ce rispuindi (Adrian Cescje, Memoriis di politiche linguistiche)
Sin. piçule part
-
s.f.
intune votazion, part plui piçule de metât o dal limit fissât par cjapâ une decision
-
intun orghin deliberatîf, spec. politic, il grup di membris che, jessint in mancul, no puedin imponi la lôr volontât te assemblee:
Gusto Masin a non de minorance al domandà la peraule e si jevà a fevelâ (Dino Virgili, La aghe da pît la cleve)
-
s.f.
intun stât, comunitât di citadins che si diferenziin de maiorance par etnie, lenghe o religjon:
lis minorancis di altre nazionalitât a son simpri stadis une grande spine pal Stât talian, parcè che nol à mai savût tratâlis (Josef Marchet, Minorancis);
la tutele des minorancis linguistichis si coleghe a principis democratics tant che avualance, libertât, no discriminazion, e rispiet dai dirits fondamentâi dal om (Marc Stolf, Masse planc e cence plans. L'ûs public de lenghe furlane)