Dizionari de Lenghe Furlane

grup¹  grup  [FO]

1. s.m. insiemi di personis che al forme une unitât par fâ une ativitât, une funzion, par condividi alc e v.i.:  il teatri popolâr al veve bisugne di jessi promovût e di vê un coordenament tra i piçui grups (Max Mauro, Un Friûl difarent: i 90 mhz di Onde Furlane); i conseîrs comunâi a àn la facoltât di costituîsi in grups, daûr des modalitâts fissadis dal regolament (Aministrazion Publiche, Statût dal Comun di Udin); il guvier al à nomenât un grup di esperts par monitorâ lis cundizions sanitariis dai residents (Alessandro Pascolini, Il disastri de centrâl nucleâr di Fukushima Dai-ichi); il nestri grup eclesiastic e culturâl al à simpri smicjât a peâ storie e religjon, fede e culture (Antoni Beline, Sant Jacum, là che al finìs il mont)
   Sin. clape , cjap , compagnie , complès , cubie , trop² , scjap
   Var. grop
2. s.m. complès musicâl:  a son in gjachete e golarine, un look che al ricuarde i grups dai agns '80 come Heavan 17 e Propaganda (Checo Tam, La maree nere)
   Sin. complès
3. s.m. insiemi di robis, elements, concets e v.i. che a àn cualchi caratar in comun:  i tescj a son dispartîts in doi grups: i tescj di informazion e chei di imagjinazion (Vladimír Petkevič, trad. di Zorç Cadorin, Corpus linguistics)
4. s.m. [TS] art opare artistiche che e figure plui personis insiemi:  de statuarie minôr si segnale il grup di Zeus che al rapìs Ganimêt (Adrian Cescje, Viaç aes origjins dal Logos)
5. s.m. [TS] biol., bot., zool. te tassonomie, insiemi di categoriis coordenadis o coreladis tra di lôr, no simpri cun valôr tassonomic specific
6. s.m. [TS] chim. tal sisteme periodic di Mendeleev, complès di elements cun proprietâts chimichis cu la stesse valence e che si somein:  il ram al fâs part dal grup dai metai di transizion
7. s.m. [TS] chim. complès atomic in stât di marcjâ il compuartament chimic dal compuest li che al è dentri
8. s.m. [TS] chim. formazion atomiche dentri di une molecule organiche, trasferibile ancje tant che radicâl libar:  grup metilic
9. s.m. [TS] mineral. complès di speciis di minerâi cun carateristichis similârs
10. s.m. [TS] mat. struture algjebriche definide suntun insiemi di elements cun operazion binarie associative, li che a esistin l'element neutri e, par ogni element, il so inviers
11. s.m. [TS] biol. grup dal sanc:  il grup 0 al è donadôr universâl
12. s.m. [TS] gjeol. unitât stratigrafiche superiôr
13. s.m. [TS] ling. complès di lenghis sûrs dentri di une famee plui grande:  il grup romanic
    Sin. branc , ram² , rame¹
14. s.m. [TS] ling. unitât struturâl a mieç fra la peraule e la frase:  grup verbâl
    Sin. sintagme