Dizionari de Lenghe Furlane

clape  cla|pe  [AF]

1. s.f. ognidune des dôs parts dal cûl:  a mi che o vevi cjapât une bote santissime su une clape di cûl al mi disè: "Bene, bene Someda, come vanno i «cuscinetti»?" (Pieri Somede dai Marcs, Ce sdrumade)
   Sin. nadie , culate
   
   1. (fig.) ognidune des dôs parts di un strument o di une struture:  lis clapis dal turcli, lis clapis dal tamon (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
2. s.f. grup di personis leadis di une relazion di amistât, di cameratisim o ancje che si cjatin par dâsi bon timp o par fâ alc insiemi:  par solit chei de clape a rivavin dongje un pôcs a la volte, sore sere: frutats fra i disevot e i vincj agns, nassûts e cressûts te androne e vignûts sù avuâl (Gianni Gregoricchio, Int di borc); si dave il câs che un cjaçadôr di sfrôs, amì dal Cosac, al ves copât un cjamoç e puartât un biel toc te ostarie, par mangjâlu cun dute la clape (Roberto Ongaro, Cretevierte)
   Sin. briade , brigade , comitive , compagnie , crime , drughe , fradaie , ghenghe² , grop , grup¹ , manie¹ , schirie , trop² , cubie
   
   1. grup di personis cuntune finalitât ancje uficiâl e une struture organizade e ricognossude, ancje in denominazions uficiâls:  framassons leâts cu lis clapis anticlericâls risorzimentâls talianis (Riedo Pup, I furlans e la confession); si cjacarave di incuintris fra clapis culturâls, di iniziativis a pro de lenghe e de culture (Franca Mainardis, Il sium di Lissandri); a àn puartât sù un pacut di copiis di une publicazion de "Clape Culturâl Aquilee" jessude di pôc (Adrian Cescje, Memoriis di politiche linguistiche)
      Sin. societât , associazion