associazion
/-òn/
a|sso|ci|a|zi|on
[FO]
-
s.f.
l'associâ, l'associâsi e il lôr risultât:
la cuote di associazion e je fissade di an in an dal Ufici di Presidence (SFF, Statût de Societât Filologjiche Furlane)
-
s.f.
contrat che al previôt il paiament denant trat di une cuote par podê gjoldi di un servizi o par podê vê alc, soredut une publicazion periodiche, par une cierte dade di timp:
vignìn e conclusion: / ai publicât l'avîs di associazion / e ca e vie di ca; / us prei doncje a firmâ. / Il progjet al è biel (Pieri Çorut, Il Strolic furlan par l'an 1852)
-
s.f.
union organizade di plui personis cun fins comuns, ancje maiusc. intes denominazions:
il presidi al jere tacât îr cun membris di associazions antirazistis, pacifistis e libertariis, ma ancje rapresentants di partîts politics (Redazion Radio Onde Furlane, Gardiscje: scuintris denant dal CPT);
[il Banc Alimentâr] al racuei e al distribuìs mangjative midiant di tantis altris associazions di volontariât (Fulvio Mattioni, Il futûr dal Friûl: laude ae "no sotan" economy);
intal 1987 e nassè a Udin la Associazion teatrâl furlane cul fin di promovi e coordenâ la ativitât des tantis compagniis amatoriâls (Luca Zoratti, Il teatri par furlan)
Sin. circul
, clape
, compagnie
, leghe1
, organizazion
, socie
, societât
-
s.f.
(fig.)
relazion di plui elements, ancje diviers, che si dan dongje daûr di un criteri o di une finalitât:
propagande che e à creât une associazion dal ûs di chestis lenghis a valôrs negatîfs (ignorance, volgaritât, alcolisim, miserie o, in timps plui dongje dai nestris, inutilitât) (Sandri Carrozzo, Il Friûl tra conflit invisibil e alienazion);
un costrut mentâl creât a traviers di un procès astrat di associazion e memorizazion (Franco Rosa, Lenghe e sielte de alimentazion di bande dal consumadôr)
Sin. cumbinazion
, leadure
, leam
, leande
, rapuart
, relazion
, union
-
[TS]
psic.
procès che al da dongje lis ideis par someance e oposizion, continuitât e contiguitât
-
s.f.
organizazion che e fâs i interès di une categorie professionâl:
emigrants furlans a jerin tra i animadôrs de Associazion muredôrs e manoâi di Sant Gjal (Furio Bednarz, La emigrazion dal Friûl - Vignesie Julie: destinazion Svuizare)
Sin. congregazion
, ordin
-
s.f.
[TS]
gjenet.
leam di gjens che a àn locus tal stes cromosome
-
s.f.
[TS]
biol.
union di organisims che a vivin tal stes ambient limitât o te stesse stazion:
divierse tipologjie dai paisaçs, ognidun caraterizât di une cumbinazion diferente di associazions vegjetâls, coltivazions e aspiets culturâi (Luigina Di Giusto, Andrea Guaran, Mauro Pascolini, La culine furlane)