Dizionari de Lenghe Furlane

compagnie  /-ì-/  com|pa|gni|e  [FO]

1. s.f. grup di personis che a fasin cualchi ativitât insiemi o che a son usadis a viodisi, a passâ timp insiemi par divertîsi e stâ legris:  la compagnie di Mirco cu la biciclete si jere ingrandide. La domenie si cjatavin jù pal Roiâl cun amîs di scuele. Il Roiâl al jere biel e comut, cence rivis e plen di ostariis, ancje masse (Alan Brusini, Par stradis lungjis); il so om al è li, cu la solite compagnie a bati carton sul taulin (Alan Brusini, Gian Paolo Linda, I forescj); di ca e di là, in Cjavrîs, a jerin i fossâi fin al «Cason» dulà che lis compagniis plenis di bontimp a lavin a passâ la sabide sere (Dino Virgili, La aghe da pît la cleve)
   Sin. camarade¹ , caravane , crime , fradaie , grup¹ , manie¹ , partide , rughe
   Var. companie
2. s.f. il stâ adun, il jessi insiemi cun altre int, massime par vê bon timp:  simpri inclinât ancje a bevi un bon tai in compagnie (Enrico Martina, Ricuarts e inlusions); al jere un plasê il stâ in sô compagnie e ancje lui cun nô se passave vulintîr (Pieri Somede dai Marcs, Sul prât Soreli)
3. s.f. persone o personis che si cognòs e che a stan dongje:  mai lâ in mieç di int che no si cognòs cence compagnie (Arturo Feruglio, Viaç a Vignesie); al saveve che la compagnie li dentri no sarès mancjade (Franca Mainardis, Aiar di cjase)
4. s.f. [TS] stor. grup di soldâts comandâts di un cjapitani:  lis compagniis di mercenaris, di li indenant a saran une costante, e no dome te Vuere dai Cent Agns e intai esercits di France e di Ingletiere, ma in dutis lis vueris che si fasaran in Europe (Fabian Ros, La invenzion dal stât)
5. s.f. [CO, TS] milit. ognidun dai grup di soldâts comandâts di un cjapitani che a formin un bataion:  i dusinte oms de seconde compagnie, a pensin nome a salvâ la piel e par vie de mont ripide e slisse, a butin vie i argagns che a vevin in man: il fusîl, lis gjibernis e la baionete (Alan Brusini, I ribei); il caporâl di zornade mi dîs di lâ sù in furarie che il comandant di compagnie mi voleve (Pieri Menis, Cemût che o soi restât caporâl)
6. s.f. [CO, TS] econ. societât che si da dongje e che e opere par un ciert fin economic:  ae fin dal Votcent a partivin, dome de Cjargne, scuasit mil boscadôrs, dividûts in compagniis, cun contrats stagjonâi di vot, nûf mês (Mauro Pascolini, Andrea Guaran, La mont furlane); il lavôr che la compagnie dal petroli i veve dât di fâ cul vuadagn che il lûc salvadi al mertave, lu veve metût su la strade dai bêçs (Alan Brusini, Alpin jo mame!)
   Sin. dite , imprese , aziende
7. s.f. [TS] stor. societât comerciâl formade par svilupâ la espansion coloniâl, massime tai secui XVII e XVIII:  tal 1600 la regjine Elisabete I e deve ae Compagnie Inglese des Indiis Orientâls il monopoli dal cumierç tal Ocean Indian
8. s.f. [CO, TS] art grup di artiscj, atôrs, tecnics, che a produsin e a rapresentin spetacui di teatri:  la Cooperative di Informazion furlane, e inmanee une cunvigne su lis problematichis dal teatri popolâr, chel des piçulis compagniis di paîs (Max Mauro, Un Friûl difarent: i 90 mhz di Onde Furlane); une compagnie di comics venezians e jere lade a cjatâsi cun Casanova par fâsi conseâ e par meti in sene La fughe dai Plomps (Pierluigi Visintin, Friûl e furlans te Histoire de ma vie di Giacomo Casanova)

Polirematichis e espressions idiomatichis

• e compagnie loc.av.
• e compagnie biele loc.av.
• e compagnie briscule loc.av.
• fâ compagnie loc.v.
• tignî compagnie loc.v.

Proverbis:

• amôr e signorie no amin compagnie
• il fûc al è mieze compagnie
• il fûc al è une seconde compagnie
• la compagnie a fâs fâ trop
• la compagnie e maride il frari
• la pipe e je une mieze compagnie
• miôr patî in compagnie che no di bessôi
• miôr sôi che no in triste compagnie