caravane
/-và-/
ca|ra|va|ne
[CO]
-
s.f.
grup di personis o mieçs che si movin di un puest intun altri, spec. in puescj salvadis o cun viaçs luncs e aventurôs:
chês peraulis mataranis i vierzevin ta la anime di frut visions fantastichis: planuris cence fin di là de mont e caravanis e cjavai cun int parsore vistude di piel di cjavre (Alan Brusini, Par stradis lungjis);
une caravane di zingars che si jere fermade par un pôc intal lôr curtîl: un cjar di len dut piturât, un cjaval, feminis cu lis cotulis coloradis e oms cui anei grues intai dêts (Cristina Noacco, Faliscjis);
dispès si incrosavin cun reparts di soldâts che a lavin al front o cun caravanis di ferîts (Pieri Menis, Chei di Muraie)
Var. carovane
-
s.f.
[BF]
(fig.)
relazion amorose curte:
ce zovial fa novenis / dopo lis carovanis? / Chest gjenar di devotis / e restaran vedranis (Zaneto, Une novene a S. Antoni)
Sin. amôr
, amoruç
, baruchele
, gjeromete
, relazion
, aventure
, moroseç
-
s.f.
[BF]
(fig.)
câs negatîf pe salût:
regnaran rafredôrs e tos paganis, / foroncui, tumôrs frêts e panariçs; / e chei tâi che àn passât des caravanis / Madame Parche ju farà coscrits (Pieri Çorut, Pronostic del 1824)
Sin. strapaç