relazion
/-òn/
re|la|zi|on
[FO]
-
s.f.
leam tra doi concets, elements, fenomens e v.i.:
une fuarte relazion tra la identitât, la culture (lengaç), i sintiments nazionalistics, la agressivitât organizade e la vuere (Franc Fari, Eric Pascul, Autonomie e democrazie, i numars de socializazion umane)
Sin. leam
, rapuart
-
s.f.
spec. tal pl., leam, rapuart tra dôs o plui personis, grups, nazions e v.i.:
il nestri marcjât a son i Stâts Unîts dulà che o vevin ancje plui dal 80% des relazions economichis (Oscar Puntel, Mario Collavino: une bandiere furlane parsore il gnûf World Trade Center di New York);
la lenghe todescje (antîc alt todesc) e fo, dongje dal latin, la lenghe di dutis lis personis di cualchi istruzion, la lenghe des relazions cui sorestants (Josef Marchet, Cuintristorie dal Friûl fin sot la Italie);
la int e je triste e lis sôs relazions cu la sûr dal plevan a jerin dome di buine amicizie (Pieri Somede dai Marcs, Ta la ombrene de canoniche)
Sin. leam
, rapuart
-
s.f.
leam di afiet:
la cualitât de relazion mari-fi intai prins agns di vite a fasin sì che intal cerviel e inte ment dal frut si disvilupi un leam di tacament (Franc Fari, Neurosiencis dal dolôr)
Sin. rapuart
, leam
-
storie sentimentâl:
o vês la pussibilitât di imbastî relazions di gale, di inmaneâ fameis di aur, di preparâsi la felicitât par dute la vite (Josef Marchet, Lis predicjis dal muini);
la relazion e va indevant cuiete e i amants a pensin che nissun nol sepi (Pierluigi Visintin, Friûl e furlans te Histoire de ma vie di Giacomo Casanova)
-
s.f.
esposizion scrite o a vôs su di une situazion, un fat, une ativitât e v.i.:
dissens ben fats e relazions scritis cu la pene e il penin cun caratars tarondins che al è un plasê cjalâju (Alan Brusini, Gian Paolo Linda, I forescj);
il rindicont al da dome une sume finâl de spese fate e une relazion gjeneriche, di li che no si pues otignî nissun dât concret (Linda Picco, Sandri Carrozzo, Efiets economics e ocupazionâi des leçs di tutele de lenghe furlane)
Sin. distese
, esposizion
, rapuart
, rifierte
, descrizion
, referât
-
s.f.
[TS]
mat.
leam tra dôs o plui grandecis:
l'avuâl al è une relazion binarie
-
formule che lu esprim:
il cûr de sô teorie [di John Maynard Keynes] al pues jessi palesât in chestis relazions: Y = C + I; X = Y; S = Y - C; S = I (Marzi di Strassolt, Dal Prodot Interni Lort aes misuris dal benstâ)