esposizion
/-òn/
es|po|si|zi|on
[CO]
-
s.f.
il meti alc o cdn. in maniere che a puedin jessi viodûts o il jessi metût in maniere di podê jessi viodût:
assisti ae esposizion de bandiere dal Friûl (Redazion La Patrie dal Friûl, Fieste de Patrie, fieste di dut il Friûl)
-
s.f.
iniziative e lûc li che si metin in mostre oparis artistichis, ogjets di interès storic, culturâl e v.i.:
"Ben, Titute, jo dopo misdì o voi a dâ une ocjade ai cuadris da la Academie… Doman di matine lu compagnarai a la esposizion!" (Arturo Feruglio, Viaç a Vignesie)
Sin. mostre1
-
iniziative e lûc li che si metin in mostre prodots, marcjanziis e sim.:
"[…] sâstu mame ce che al è sucedût l'an passât di là a la mostre di Palmegnove? in file dilunc i moronârs sul marcjât a jerin peâts i nemâi in esposizion […]" (Pieri Somede dai Marcs, Il prossim)
-
s.f.
il meti o il jessi metût in maniere che a puedin jessi i efiets di un agjent esterni:
il limit di esposizion al radon tai ambients di lavôr al è di 500 Beq/m3 (Mara Piccoli, 20 agns di Chernobyl)
-
s.f.
[TS]
fotogr.
azion di lassâ che la lûs e impressioni la pelicule e timp che e dure chê azion:
cul stenopeic doprât a man libare, come che o fâs jo, a son timps di esposizion une vore luncs e no tu âs il control complet di ce che al ven fûr (Erika Adami, Sul troi de poesie visive)
-
s.f.
posizion di alc o di cdn. rispiet a une direzion, a un orientament, a un pont di riferiment:
i vins plui preseâts si puedin vê intai cuei, par vie de basse produzion, de buine esposizion e de elevade escursion termiche (Enrico Peterlunger, Storie curte de vît in Friûl)
-
s.f.
[TS]
sport
tal alpinisim, di un passaç o di un itinerari, il fat di jessi dongje di un precipizi
-
s.f.
il comunicâ alc in maniere detaiade e ordenade:
nol è un program, e je une esposizion di ideis che o presentìn ai nestris letôrs parcè che i fasin la critiche e che lis morestin (Josef Marchet, Moviment Autonomist Furlan pe Federazion dai Popui)
Sin. presentazion