Dizionari de Lenghe Furlane

presentazion  /-òn/  pre|sen|ta|zi|on  [AF]

1. s.f. ancje tal pl., at di dî cui che si è o ben di dî cui che al è cdn. a cdn. altri:  al jere comparît il so amì e dute une schirie di oms e di feminis che i vevin fat fieste, tant che lui al fos stât l'ospit plui spietât. Daspò lis presentazions rituâls, Lissandri si jere cjatât intune grande cusine (Franca Mainardis, Il sium di Lissandri)
   
   1. prime impression fate di cdn. o di alc:  in cheste maniere, la presentazion [cun confezion di gale e etichetis milesimadis] e faseve subit intuî, ae prime voglade, la unicitât e la preziositât de sgnape che e jere dentri (Dree Venier, Giannola Nonino: une rivoluzion partide des lidrîs)
2. s.f. il mostrâ e il fâ vê alc a cdn. o a une autoritât o a une istituzion o sim., par che al puedi jessi verificât, judicât, fat bon e v.i.:  il dipuesit des listis o des candidaturis al à di jessi acompagnât de presentazion di un belanç preventîf di spese che lis listis e i candidâts a intindin rispietâ (Aministrazion Publiche, Statût dal Comun di Udin); la presentazion di documents gnûfs e tornarès a vierzi ancje i tiermins par presentâ i parês de bande dai Ents locâi (Redazion Radio Onde Furlane, Rigasificadôrs la zonte e domande sclariments)
3. s.f. cerimonie o event par mostrâ o fâ cognossi alc al public:  si alternaran presentazions di libris, incuintris cui autôrs, leturis senichis, confronts poetics e trê spetacui (Erika Adami, Sunsûrs ator pal Friûl)
4. s.f. discors curt o scrit par presentâ:  Valeri al è brâf cu lis peraulis, e al à fate une biele presentazion, nuie ce dî. Ma al è pre Checo che al à dit lis robis plui impuartantis (Adrian Cescje, Memoriis di politiche linguistiche)
   Sin. introduzion , jentrade , premetidure
   
   1. scrit metût tal inizi di un libri che al descrîf contignûts e carateristichis dal test:  tal câs de vuide pai insegnants, e je une presentazion iniziâl avonde lungje, cun dopo une serie di schedis di aprofondiment di caratar tematic (Luigina Di Giusto, Andrea Guaran, Mauro Pascolini, La culine furlane)
   2. discors o scrit avonde sintetic che al vûl descrivi une problematiche, un argoment:  la mê presentazion e vûl ancje convincius che lis stessis cundizions par un "FNP" politichementri egjemon a esistin ancje in Friûl (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
      Sin. conference , relazion , lezion
   3. schirie di schermadis, ancje proietadis, fatis par compagnâ un intervent, une lezion e v.i.:  une presentazion fate dai arlêfs che e vevin let il libri "Una bambina ad Auschwitz" (AAVV, Incuintrant la storie: Arianna Szörényi)
5. s.f. [TS] religj., st.art te religjon ebraiche, ufierte a Diu dai prins di mari masclis in ocasion de purificazion de mari
   
   1. ufierte di Jesù al templi, daûr de ritualitât ebraiche, memoreade tal calendari liturgjic ai 2 di Fevrâr
   2. jentrade di Marie vergjine tal templi di Jerusalem, celebrade tant che fieste catoliche ai 21 di Novembar
   3. rapresentazion di chel episodi sacri o di altris episodis biblics de stesse sorte:  cuatri grandis senis, dulà che a son figuradis: la Visitazion, la Nassite di Marie, la Presentazion di Marie al Templi e la Presentazion di Jesù tal templi (Bepi Agostinis, Storie de art in Friûl)

Polirematichis e espressions idiomatichis

• fâ lis presentazions loc.v.