lezion
/-òn/
le|zi|on
[FO]
-
s.f.
azion di insegnâ, intune volte e intun timp limitât, spec. in maniere ripetude dilunc di un cors:
300 oris di insegnament, dividudis in: 85 di lezion frontâl, 115 di laboratori pratic e 100 di tirocini e di elaborât finâl (Patrizia Pavatti, La tutele de lenghe furlane a scuele);
i tornavin tal cjâf tant che intun sium lis lezions di storie de sô prime zoventût (Roberto Ongaro, Il muc);
o ai di preparâ la lezion par doman (Gianni Gregoricchio, Trê feminis)
-
dade di timp che si insegne intune volte, pal solit di une ore:
la ricreazion e je tra la tierce e la cuarte lezion
-
ripetizion privade:
o varessin voie di domandâi se e podès dâ cualchi lezion di talian ai nestris doi zimuluts, vignûts de France (Pieri Menis, Sul agâr);
in chê volte no jeri ancjemò laureade e o tiravi indenant cu lis lezions privadis (Gianni Gregoricchio, Trê feminis)
-
insegnament che nol inten materiis ordenariis di scuele:
cjapâ lezions di tenis
-
conference dedicade a un ciert argoment, ancje fûr des istituzions scolastichis o di un cors:
la mê lezion e vûl jessi la storie "resonade" di cemût che […] il SNP [Scottish National Party] al è passât dal prefìs telefonic a une maiorance assolude (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
-
s.f.
spec. tal pl., scrits a stampe o a man e produsûts in forme fotostatiche, di insegnaments academics, doprâts pai esams, o ancje notis di students:
lis fotocopiis des lezions di biologjie
Sin. dispense
-
s.f.
(fig.)
cualsisei esperience che e puedi insegnâ alc:
vêso za viodût tant che vi basta e jo speri che la lezion us sarà somamenti salutâr par duta la vita (Zuan Luîs Filli, Il diau sul Studeniz);
dopo la mareose lezion che lu veve tant scuintiât in citât, la vite i tornave ancjemò une volte a ridi sperançose (Roberto Ongaro, Cretevierte)
-
s.f.
(fig.)
esempli, spec. positîf:
di lui [Agnul di Spere] o vin vude une grande lezion sul mût di lavorâ e sul mût di compuartâsi (Erika Adami, La olme di un grant furlan)
Sin. spieli
, esempli
Polirematichis e espressions idiomatichis
Proverbis:
- la lezion plui imprimude e je chê imparade a sôs spesis