dispense
/-èn-/
dis|pen|se
[CO]
-
s.f.
[BF]
at di dâ fûr alc a cdn.:
la dispense dal pan e de mignestre ai puars il dì dai muarts (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.f.
mobil là che si ten la robe di mangjâ:
cirî il pachetut dal cafè te dispense
-
ambient de cjase li che si ten la robe di mangjâ:
"Ma cemût olêso che o cjati nuie inte dispense, se no sai ricuardâmi di vê purcitât?" (Catarine Percude, La fuiace de Madone)
Sin. camarin
-
s.f.
magazen li che si vendin ad in grues gjenars di privative o di monopoli:
un fantaçut, dopo di vê portât tabac e zigars al so paron, al è tornat indaûr dut cuant sudât a la dispense (Guido Antonioli, Florean dal Palaç, I, 23)
-
s.f.
[TS]
dir., burocr.
at uficiâl di esenzion di un oblic:
se si jere daûr a fâ un lavôr urgjent, si veve di fâ il plasê di domandâ la dispense al plevan [par podê lavorâ in dîs di fieste] (Riedo Pup, I furlans e lis feriis);
no vevin l'oblic di presentâsi ai mucs par fâ servizi militâr o par vie de etât o par cualchi dispense particolâr (Roberto Ongaro, Il muc)
-
s.f.
fassicul di une publicazion:
romançs che e vegnin fûr a dispensis la joibe e la domenie (Arturo Feruglio, Viaç a Vignesie)
-
fassicul cul test di une lezion:
dispensis ciclostiladis che si preparavin e si passavin ai arlêfs par chês lezions (Adrian Cescje, Memoriis di politiche linguistiche)
