Dizionari de Lenghe Furlane

fâ compagnie    [AF]

1. loc.v. stâ cun cdn., no lassâlu di bessôl:  une specie di dame di compagnie, eco! Mi compagnarês a messe la matine; mi leiarês il gjornâl; mi leiarês cualchi libri; se mi ocorarà di scrivi cualchi letare, jo us e detarai e vô la scrivarês; co larai a fâ cuatri pas mi farês compagnie (Vittorio Vittorello, A ogni cost); lis trê cugnadis procuravin di consolâlis [done Martelosse e une sô fie no maridade] cul lôr afiet e cu la lôr continue assistence […] si devin di volte par fâur compagnie (Catarine Percude, La brût)
   Sin. tignî compagnie
   
   1. (fig.) ancje di alc che nol è une persone, fâ in maniere che cdn. no si sinti di bessôl:  la confusion dal locâl no mi da fastidi, anzit, mi fâs compagnie (Alan Brusini, Gian Paolo Linda, I forescj)
2. loc.v. (fig.) stâ dongje o te stesse cundizion di cdn. altri o di alc altri:  i vignì une polmonite fulminante che lu à puartât a fâi compagnie ai siei fradis [tal cimitieri] (Pieri Menis, Chei di Muraie)

Components:

• compagnie s.f.
• fâ v.tr., s.m., v.intr.