aziende
/-iè-/
a|zien|de
[FO, TS]
-
s.f.
complès di personis e bens organizât par rivâ a un fin economic midiant dal davuelziment di variis ativitâts:
il gjenar di conduzion agricule, taiât su la piçule aziende, davuelte su terens frazionâts e polverizâts, nol è rivât a tignî il pas de produzion (Adrian Cescje, Memoriis di politiche linguistiche);
une aziende cun sede a Codroip, là che si produsin grancj implants pe climatizazion (Bruno Colledani, Atualitât. Une aziende svelte… par furlan);
lis Aziendis Sanitariis a figurin jenfri de liste dai ents che par prins a àn vût tacât a fâ progjets in atuazion (e cul jutori finanziari) de leç 482/1999 (Marc Stolf, La Leç 482/1999 tai servizis sanitaris. Pes lenghis, pai dirits e pe salût)
Sin. cjase
, dite
, firme
, imprese
, ativitât
-
s.f.
[TS]
dir.priv.
complès dai bens organizâts dal impresari pe imprese