firme
fir|me
[AF]
-
s.f.
scrite fate a man dal non e cognon di cdn. ae fin di un test par pandi che lui al è l'autôr o che al è in cunvigne cul test:
no jere la muart se al poiave une firme secont che lu vevin conseât (Meni Ucel, Ideis);
o vevi fate votâ une mozion che e impegnave il partît a promovi e a partecipâ a une racuelte di firmis pe tutele de lenghe furlane (Adrian Cescje, Memoriis di politiche linguistiche)
Cfr. autograf
, sotscrizion
-
azion di scrivi il non e cognon tun document:
dopo la firme [dal contrat], Toni al sintive di no jessi tant content (Pieri Somede dai Marcs, La braide)
-
[TS]
milit.
azion di scrivi il non e cognon tun document che al impegne a sprolungjâ, ancje a timp indefinît, il servizi tes fuarcis armadis:
lui, di coscrit, al veve domandât di jentrâ carbinîr e dopo al veve fate la firme (Gianni Gregoricchio, Delchi)
-
(fig.)
facoltât di mandâ indevant un procediment:
forsi mi capitarà ancje la innomine a capo ufizi: el prin scjalin par deventà procuratôr cu la firme (Arturo Feruglio, El sardelon)
-
s.f.
(fig., meton.)
autôr di tescj, soredut scritôr o gjornalist, o ancje di oparis artistichis:
une racuelte che e cjape dentri lavôrs in viers di cualchi grande firme de cjançon (Dree Venier, Mattiuzza «Naghena» di arint a Arabba)
-
s.f.
(fig., eufem.)
escrement lassât, soredut di un animâl:
chestis galis a jerin dutis scussadis di colôr, plenis di polvar e di… in sumis lis moscjis ur vevin fate la firme daprûf (Josef Marchet, Lis predicjis dal muini)
-
s.f.
simbul di une dite o di un stilist metût suntun prodot
-
dite o stilist che al fâs un ciert prodot:
la sielte di une cierte taule e de firme che le prodûs (Sandri Di Suald, Design e comunicazion)