autograf /-ò-/ au|to|graf [CO]
- adi. scrit propit dal autôr: lis firmis autografis dai zuiadôrs di balon (Meni Ucel, Il Strolic furlan pal 1968)
- s.m. test origjinâl scrit di un autôr: si trate di un sfuei protocol; il poeme al è scrit in 6 colonis, 2 par ogni façade. La cuarte façade e puarte il sonet. Ancje Böhmer al pense che a sedin doi autografs (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
- s.m. firme, soredut di une persone famose: Zico nol à in pratiche fermât di strenzi mans, di fâ fotos cu la int e di firmâ autografs (Enrico Turloni, Zico in Friûl: storie di un amôr)
