partide
/-ì-/
par|ti|de
[AF]
-
s.f.
incuintri competitîf, in gjenar tra dôs scuadris o tra dôs o plui personis, che a cirin di vinci intun sport o intun zûc:
un gol segnât di mieze robaltade te tierce di campionât fûr cjase al fasè restâ zito il public, che a la fin de partide al scugnì rindisi a batigji lis mans (Stiefin Morat, Gjeometriis);
in dutis lis partidis di scacs al scomence a movi simpri il blanc (Nilde Teresa Negro, Zuìn di scacs);
al vignive scuasi ogni sere ca di nô par fâ cuatri cjacaris e, nancje dîlu, par une partide di cjartis (Pieri Somede dai Marcs, Il tinel)
Sin. gare
, incuintri2
-
intal tenis e inte bale a svol, frazion di incuintri
-
s.f.
cuantitât di marcjanzie comprade o vendude intune volte ad in grues:
[un ongjarês] al jere vignût in Italie a puartâ une partide di cjavai che al faseve capî che a fossin siei, ma no jere vere (Alan Brusini, Come tai romançs)
Sin. bloc
, condote4
, lot
-
s.f.
[TS]
reson., cum.
regjistrazion scrite intun libri di contabilitât:
insom dal an i marcjadants a sierin dutis lis partidis (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.f.
(fig.)
situazion di confront li che plui parts a cirin di rivâ a vêle vinte o ancje di rivâ a une soluzion negoziade:
a fasevin i profetis, plui che i politics, e chê e jere la ore di scomençâ a fâ i politics. Ju lassai fûr de partide. Cun displasê, ma ju lassai fûr (Adrian Cescje, Memoriis di politiche linguistiche);
cuistions tant che lis cassis di espansion sul Tiliment - une partide che, a disin chei de associazion ambientaliste, e reste inmò dute vierte - o la linie a alte velocitât dal Coridôr 5 (Redazion Radio Onde Furlane, Legambiente su lis emergjencis ambient)
Sin. sfide
Polirematichis e espressions idiomatichis
Proverbis:
- partide rimetude, partide pierdude
- partide slungjade, partide scuintiade