sfide
sfi|de
[AF]
-
s.f.
invît, provocazion a frontâsi tun duel, tun combatiment:
il destin che al met un cuintri chel altri il pari e il fi, Iltibrant e Adubrant. Il pari e il fi a àn di batisi, la sfide e je trate prime che a rivin a cognossisi (Sandri Carrozzo, Il Hildebrandslied e la nassite de epiche gjermaniche)
-
il duel, il combatiment stes:
vinci une sfide
-
s.f.
invît a fâ une gare, une competizion, un confront li che si cîr di vinci o di dimostrâ cui che al è plui fuart, plui brâf, plui coragjôs, plui inteligjent e v.i.:
a cualchidun dal paîs i vignì la idee di proponi une sfide, e i disè: "Varessistu il coragjo di lâ di gnot tal cimitieri e plantâ un curtìs inte crôs di len de sapulture dal plevan muart chê altre dì?" (Gianni Beltrame, La pôre tal cimitieri)
Sin. disfide
-
il confront stes:
Pordenon e Pise a impatin par doi a doi intune sfide che e je fondamentâl sei par slontanâ la zone playout (pe scuadre furlane) che par svicinâ i playoff (pai neris e blu) (Marc Stolf, Pordenone - Pisa 2-2);
Jacum, Pauli e Bepo si cjalin e si intindin che no puedin fâ di mancul di lâ a fâ la lôr sfide [cu la slite] che a fasin za di agns (Marisa Moretti, Neveade)
Sin. disfide
, confront
, contese
Cfr. gare
, partide
-
s.f.
(fig.)
ande provocatorie:
la vôs di sfide i veve fât capî al marassial che la femine e lave cjapade cu la pazience (Gianni Gregoricchio, Îr e doman);
e butà une voglade a so pari: une voglade come di sfide, tant a dî: "Viodistu di ce cualitât che al è il gno Rico?" (Roberto Ongaro, Il muc)
Sin. disfide
-
s.f.
(fig.)
situazion che e impon di frontâ dificoltâts, problemis, ostacui e v.i.:
fâ front a lis sfidis di chê modernitât che si presente denant dal Friûl di vuê (Dree Valcic, Cjalâ indaûr par lâ indevant)
Sin. disfide
, scomesse