gare
ga|re
[AF]
-
s.f.
(ancje fig.)
confront tra plui personis o sogjets par vinci, par rivâ prime, par jessi miôr o ancje par vê un vantaç, un risultât e v.i.:
jo o ai fatis nûf garis [in biciclete] e, di cuint che o soi rivât te prime, o soi lat simpri peiorant (Alan Brusini, I coridôrs di Tresesin);
o fasevi lis garis des tabelinis a lis elementârs cul mio compagn Zumel (Checo Tam, Sense)
Sin. competizion
, corse
, incuintri2
-
s.f.
[TS]
burocr.
procedure di selezion par dâ un apalt, une incarghe, un puest di vore e v.i. sielzint tra plui candidâts:
si va indevant a vendi bens comuns (bens publics), in assence di trasparence, cuintri il volê dal teritori […] e cence nancje organizâ un minim di gare publiche (Lorenzo Fabbro, Ancje la Basse Furlane e à i siei bens coletîfs, risorse par ducj)
Polirematichis e espressions idiomatichis