societât
so|ci|e|tât
[FO]
-
s.f.
grup di individuis cun relazions organizadis tra di lôr:
gnots interiis, a confrontâ i nestris pinsîrs e lis nestris idealitâts; a discuti di politiche e di societât (Gianni Gregoricchio, Trê feminis);
«[…] La societât» al continuà il Talian «no po pensâ in chest mût si sa. Al è di just che e scuegni difindisi, ma l'individui al è plui une vitime dal nassi che un in colpe. […]» (Maria Forte, La tiere di Lansing)
-
s.f.
grup di personis che a partegnin a une categorie:
la societât dai produtôrs, i operaris, no vendin ma a comprin simpri di plui intun marcjât che al incrès simpri di plui la sô ufierte (Adrian Cescje, Liniis di storie sociâl e economiche dal Friûl 1500 - 1800)
-
s.f.
grup di plui personis che si organize par une cierte finalitât:
tal 1919 e nasseve a Gurize, citât a pene concuistade de Italie, la Societât Filologjiche Furlane (Sandri Carrozzo, La colonie);
la Societât sientifiche e tecnologjiche furlane e je daûr a cressi e a vierzisi simpri di plui al teritori (Erika Adami, Docents cuintri de lenghe)
Sin. circul
, clape
, socie
, associazion
-
s.f.
organizazion di personis che su la fonde di un contrat a metin adun bêçs o lavôr par puartâ indevant une ativitât economiche:
al à vût il so dafâ, magari, a convinci la int. In chê epoche i contadins a jerin malfidents e no jentravin tune societât nancje a murî (Riedo Pup, La sigurazion des vacjis);
la Regjon, duncje, e domandarà al Guvier talian e aes societâts che a àn fat indenant i progjets, ven a dî Endesa e Gas Natural, di zontâ altris documents (Redazion Radio Onde Furlane, Rigasificadôrs la zonte e domande sclariments)
Polirematichis e espressions idiomatichis