mangjative
/-ì-/
man|gja|ti|ve
[AF]
-
s.f.
ce che si mangje, che al covente pe alimentazion dal om e des bestiis:
la mangjative e cjapave ducj i bogns savôrs, che a fasevin vierzi il nâs ae int che e passave difûr e il savôr al jere scuasit te lôr bocje. Un cusinâ che al jere scuasit sintiment (Maria Forte, Cjase di Dalban);
al jere un cjapitani de sussistence, il cuarp che al dispon de mangjative ai combatents (Alan Brusini, Come tai romançs);
cogos che a preparin mangjativis buinis (Checo Tam, Sense)
Sin. aliment
, mangjâ
, nudriment
, pitance
, plat
, robe di mangjâ