puartade
/-tà-/
puar|ta|de
[AF]
-
s.f.
cuantitât massime che si pues puartâ, misurâ, pesâ e v.i.:
camions cun alte puartade ma cun intric laterâl minim (Bruno Colledani, Un camion propit… fuart!)
Var. portade
Cfr. capacitât
-
s.f.
[TS]
fis., idraul.
cuantitât di fluit che te unitât di timp e passe intune sezion perpendicolâr al so flus:
fâ front ae discontinuitât de puartade dai flums de Patrie, masse plens in Autun e secs di Istât (Angelo Floramo, I morons dal siôr Arturo)
-
s.f.
ognidune des pitancis metudis in taule une daûr di chê altre:
une sielte di doi plats par ogni puartade (Dree Venier, Dai prins di Mai Là di Moret al à il menù in lenghe furlane);
finide la puartade, al clucave tacis plenis che al jere un plasê a vedêlu (Dino Virgili, Aghe e vin)
-
s.f.
distance massime che e pues rivâ une emission, un tîr, une osservazion e v.i.:
e traevin cui canons di lungje puartade su la vile (Domeni Zannier, La crete che no vai)
-
s.f.
(fig.)
estension di un fenomen:
iniziativis di piçule puartade gjeografiche (Adrian Cescje, Memoriis di politiche linguistiche)
Sin. impuartance
, pês1
, valôr
-
impuartance, influence di un fenomen o di une persone:
o savìn che un grumon di int, massime dai paîs, no à capide la puartade dal ricognossiment che o vin otignût (Josef Marchet, Sturm und Drang);
sul finî dal secul passât un grup di inteletuâi furlans e di operadôrs culturâi di une cierte puartade si son dâts dongje par lâ indenant a fâ culture, daûr des liniis di Tellini (Luca Zoratti, Su la memorie di Tellini al è stât costruît un Istitût di Culture)
Sin. impuartance
, valôr
, pês1
-
s.f.
maniere di stâ e di movisi:
"Cjale ce biel frut che i soi jo, mo! Cjale ce biel çuf…" "Mat, mat di leâ, gjo." "Cjale ce ande, ce puartade! […]" (Anute Fabris, A passe la scalmane)
Sin. ande
, puartament
Polirematichis e espressions idiomatichis