Dizionari de Lenghe Furlane

capacitât  ca|pa|ci|tât  [FO]

1. s.f. il jessi bon di fâ alc:  al è impuartant afidâ la realizazion di programs a professioniscj dal setôr che a vedin esperience, competencis, capacitâts (Erika Adami, La lenghe furlane tai mieçs di comunicazion); i Pterosaurs a son stâts i prins tetrapots a concuistâ la capacitât di svolâ in maniere ative (Francesco Gobbo, Gjeologjie e paleontologjie ator di Preon); ce che al dure intal timp a son lis competencis clâf intal setôr des lenghis, la paronance di almancul dôs lenghis in plui de lenghe mari, ma soredut la capacitât di imparâ (Mario Dutto, Scuelis di cualitât e lenghis di minorance. Une riflession su la lenghe furlane intes scuelis); i valôrs da la anime, chei che no si tocjin, il coragjo che al covente, la capacitât di sopuartâ e di tornâ a jevâ sù e a alçâ il cjâf, chel il taramot no lu à butât jù (Francesc Placerean, La vite no je cuintriposizion di valôrs ma armonie di realtâts complementârs)
   Sin. art , atitudin , bravece , bravence , bravetât , competence , çate¹ , destrece , don¹ , estri , gnuche , idoneitât , maestrie , mistîr , mochigne , mocule , scuele , sgrimie , snait , talent , valisie
2. s.f. cuantitât o misure di elements che a puedin stâ tun spazi o tun contignidôr:  la capacitât dal stadi di balon e je di 25.000 spetatôrs; une vascje di 12 m par 29 m par 11 m di profonditât (capacitât 3828 m3) (Alessandro Pascolini, Il disastri de centrâl nucleâr di Fukushima Dai-ichi)
   Sin. puartade , tignude