tignude
/-ù-/
ti|gnu|de
[AF]
-
s.f.
cuantitât di elements, di materiâl e v.i. che e pues stâ intun spazi, intun contignidôr, intune struture e v.i.:
la domande turistiche e je impoçade e cui che al aumente la tignude des stazions al causione dome la riduzion dai vuadagns (Luche Nazzi, Implants plui capients, vuadagns plui bas)
Sin. puartade
, capacitât
, tignince
-
s.f.
proprietât di une sieradure o di un recipient di no lassâ passâ o lâ fûr licuits o gas:
il contadin al pues polsâ, ancje se tai ultins dîs di Avost al pronte semplis, sintinis e cuinçs par jemplâju di aghe (une volte a vignivin sistemâts dilunc roiis e riui) par slargjâ lis dovis e cussì tornâ a dâur la lôr tignude (Mario Martinis, Il grant lunari dal Friûl. Avost)
-
s.f.
capacitât di tignî dûr, di resisti ai efiets di alc o di no molâ in situazions contrariis:
ogni partît (si visaiso?) si svante, ogni volte, di vê vinçût lis elezions o, di mâl che e vadi, di vê mostrât une buine tignude (Riedo Pup, Sot vie o injenfri)
Sin. indurance
, resistence
, tignince
-
capacitât e maniere di restâ in vore, di fâ ben une funzion, di rivâ a un bon efiet in ciertis cundizions:
la segnalazion pe miôr performance dal vîf e je lade invezit ai sarts Ratapignata, pe lôr tignude dal palc cun snait e energjie (Natascia Gargano, "Suns" 2014 a fevelin par ladin)
-
s.f.
mût di vistîsi, speciâl par une cierte ocasion o par une cierte ativitât:
i pulizais e i garbenîrs, in tignude antisomosse, parâts cun scûts e cascs, a àn rispuindût cun manganeladis e pocadis (Angela Lano, Paola Rando, Roberto Topino, Rem Spicemei, Om, nature e "grandis infrastruturis")
-
s.f.
grande proprietât di tiere, in câs ancje cun cjasis o altris costruzions e implants:
par sierâ ator ator cuntun mûr la sô tignude, al veve fat butâ fûr il Crist che al jere sul cjanton (Pieri Menis, La int);
une dì di Vendemis al jere lât in caroce e doi cjavai pomâts cun sô mari la contesse Boreate, te tignude di Barbian a Fraelà (Alan Brusini, Come tai romançs)
Cfr. colonie3
, massarie3