colonie3
/-ì-/
co|lo|ni|e
[FO]
-
s.f.
contrat agricul li che il paron e i colonos si acuardin par dividisi prodots e vuadagns e che al pues previodi il paiament di un fit:
dongje dai cjamps di proprietât, a vevin cjapade in colonie la campagne cuistade di pôc di un avocat (Gianni Gregoricchio, Trê feminis)
-
s.f.
aziende agricule tignude cun chel contrat, cun riferiment dome ae tiere o sedi ae tiere che ai fabricâts o in specific dome ai fabricâts:
siôr Talico Gavot cumò al faseve alt e bas cemût che al voleve tes coloniis dal cont (Dino Virgili, La aghe da pît la cleve);
Talico Repipin, di fatôr che al jere in cjase dal cont Nardon, vuê si cjate a sei paron. Paron espotic dal palaç dai siôrs, dai cjasâi dai fameis, dai broilis, dai roncs e des trê coloniis de basse (Alan Brusini, Il colôr dal marcjât)
Sin. massarie3
-
cun riferiment specific dome ae cjase dulà che a son a stâ i colonos, cun dongje altris costruzions agriculis:
la sere ta la arie de colonie, sentadis ator di un grant taulîr di polente che e fumave, a fevelavin dai siei e po a disevin rosari prin di lâ a durmî sul stran (Pieri Somede dai Marcs, La spiarie)
Sin. massarie3
, mâs
-
cun riferiment dome ae tiere:
devant dal cjasâl e jere dute la colonie jù pe rive cul soreli insom, daûr i pôi (Dino Virgili, Devant di dut il cîl)
-
s.f.
aziende agricule in gjenerâl, cence distinzion di situazion contratuâl
Sin. massarie3
, cjasâl
, fatorie
, mâs