cjasâl
cja|sâl
[FO]
-
s.m.
cjase grande isolade te campagne, ancje cun stale, toblât e v.i., intindint dome lis costruzions o ancje dute la tiere di chê cjase:
aromai e montave sù la sere, e in cîl si slargjavin a planc nûi grîs e lizêrs. Eliseo al viodeve cualchi cjasâl lontan jenfri i ramaçs dai morârs e dai cjastinârs (Carlo Sgorlon, Prime di sere);
devant dal cjasâl e jere dute la colonie jù pe rive cul soreli insom, daûr i pôi, e un 'siminâ di grîs dilunc fûr fin tal cîl (Dino Virgili, Devant di dut il cîl);
ogni dì e dut il dì servî; po, la sere, al tornave a cjase: un grant cjasâl fûr di man, dal paron ancje chel (Riedo Pup, I furlans e il cjistiel)
Sin. fatorie
, colonie3
Cfr. cjasalot
-
s.m.
ancje tal pl., ancje te toponomastiche, piçul grup di cjasis te campagne:
un trop di chescj Paians al veve di jessi ancje in chel sît a rissul de Tor, a ret di Selvis, là che cumò a son i cjasâi di Sant Martin (Josef Cjargnel, La caroce di aur di Sant Martin)
-
s.m.
[BF]
cjase avonde grande ancje in paîs o in citât:
une volte come che si à dit, [la stale] no mancjave in nissune cjase furlane, di nissun paîs. Nancje i cjasâi di Udin no jerin cence (Riedo Pup, I furlans e la stale)
Sin. cjasament