art
art
[BF, FO, TS]
-
s.f., s.m.
ativitât umane fondade su la tecniche, sul studi e su la esperience dal individui:
la medisine e jere e e varès di jessi "art sacre" par ecelence (Antonella Riem Natale, Recension di Neuropsicologia dell’esperienza religiosa)
-
complès di regulis e di cognossincis tecnichis che a coventin par distrigâ une cierte ativitât:
çamars, cui ramaçuts cuinçâts in maniere savinte […] e cuintri nature, di tant che a vevin vût di secondâ la art dal oseladôr (Adrian Cescje, Memoriis di politiche linguistiche);
lavoranzie […] esperte te art de tiessidure (Erika Adami, Cjargne, tiere di tiessidôrs)
-
s.f., s.m.
ativitât che si fâs par produsi alc e par jessi paiâts:
a Manià […] al è il Il Museu de art dal fari e dal curtìs (Luigina Di Giusto, Andrea Guaran, Mauro Pascolini, La culine furlane);
«Al è il gno art» al diseve dreçantsi dut su la schene (Maria Forte, La tiere di Lansing)
Sin. lavôr
, profession
, vore
, mistîr
-
s.f.
ativitât umane di creâ par bielece:
se o pensìn ae Elade al ven sù tal cjâf un sît dal pinsîr e de art, de peraule e des formis sublimis (Adrian Cescje, Viaç aes origjins dal Logos);
un zovenut inamorât da la art e de vite, che al finive i siei studis a la academie (Zuan Lurinçon, La Madalene)
-
s.f.
il complès des oparis artistichis carateristichis di un autôr, di un stîl, di une ete e v.i.:
[Josef Marchet] al à scrit di art dal len cuant che no si dave impuartance a cheste produzion (Roberto Iacovissi, Pre Bepo Marchet);
in gracie dai monuments, des oparis artistichis e dai documents che lis trê protagonistis a scuvierzin, il regjist al propon une sorte di cuintrileture de storie e de art dal Friûl (Fabian Ros, Il cine furlan);
Afro Basaldella al tacà a sei cognossût ancje a nivel internazionâl, rivant a puartâ la sô art ator pal mont (Luca De Clara, Afro Basaldella)
-
s.f., s.m.
abilitât, capacitât:
tal so om, al mancjave l'inzen de bausie e la art dal dî e dal disdî (Maria Forte, Cjase di Dalban);
çamars, cui ramaçuts cuinçâts in maniere savinte […] e cuintri nature, di tant che a vevin vût di secondâ la art dal oseladôr (Adrian Cescje, Memoriis di politiche linguistiche)
Sin. abilitât1
, bravetât
, capacitât
, inzen
, maestrie
, sgrimie
, snait
, talent
-
s.m.
[BF]
mot, moviment di une part dal cuarp:
al à arts di mat (Giorgio Faggin, Vocabolario della lingua friulana);
no stâ a fâ chei arts (Giorgio Faggin, Vocabolario della lingua friulana )
-
s.f., s.m.
[TS]
stor.
corporazion, associazion di artesans pe tutele dai lôr interès economics e politics
Proverbis:
- al vûl un dal art a stimâ il gjenar
- bisugne sei da la art par stimâ une fabriche
- cuant che no si sta su la art, si piert la part
- cui che al à art al à part
- cul art e cul ingjan si campe mieç an, cul art e cul mistîr si campe l'an intîr
- cul art e cul ingjan si vîf nome mieç an, cul art e la bausie si manten la massarie
- cul art e cul ingjan si vîf nome mieç an, cul ingjan e cul art si vîf chê altre part
- impare la art e metile de bande, il timp al vignarà che la art e valarà
- ognidun che al lavori de sô art