profession
/-òn/
pro|fe|ssi|on
[AF]
-
s.f.
declarazion publiche di ideis, di sintiments, di fede politiche o religjose:
al faseve profession di une italianitât masse esagjerade par jessi crodude (Antoni Beline, La fabriche dai predis)
Sin. manifestazion
, mostre1
-
s.f.
religj.
at che un cristian al fâs par jentrâ intun ordin o congregazion pronunziant i vôts di puaretât, castitât e ubidience
Sin. profession monastiche
, profession religjose
-
s.f.
lavôr inteletuâl o manuâl, fat in maniere abituâl par vê un vuadagn:
professions dulà che il contat cul public e cul teritori a son impuartants (infermîrs, vigjii, insegnants, e v.i.) (Sandri Carrozzo, No sarà une leç a salvânus: o vin di cambiâ noaltris);
ingolosît de paie che veve piade, al fo in chê volte che al deventà oseladôr propit di profession (Catarine Percude, L'oseladôr)
Sin. art
, ativitât
, mistîr
, lavôr
-
s.f.
ativitât inteletuâl davuelte daspò di vê cjapade la lauree o une abilitazion, spec. in maniere indipendente e intal rispiet di une etiche professionâl precise:
tal 1822 al lassà lis armis e daspò al si dedicà a la profession. A forin agns di ativitât tal cjamp de inzegnarie civîl: stradis, puints e lavôrs di idrauliche (Giovanni Pillinini, Zuan Batiste Cavedalis - Une vite esemplâr)