manifestazion
/-òn/
ma|ni|fes|ta|zi|on / ma|ni|fes|ta|zion
[FO]
-
s.f.
il fâ viodi, il fâsi viodi di chei altris e il lôr risultât, spec. in riferiment a un sintiment, a un pinsîr, a une opinion e v.i.:
spes mi disin: "Voaltris furlans o vês dimostrât inmò une volte di jessi int che e fevele pôc, ma che e fâs tant". E chestis manifestazions di stime mi fasin sintî braurôs di jessi furlan (Christian Romanin, Amato De Monte: Il Friûl, patrie des bataiis di civiltât);
La int, che o savês come che e je fate, o si scjafoiave di ridi, o, daûr dai câs, e discocolave i voi tirant fûr esclamativis manifestazions di scandul (Fabian Ros, L'om che al pierdeve pinsîrs pe strade)
Sin. dimostrazion
, espression
, mostre1
-
cualsisei robe che e sedi il risultât di alc, che e sedi une prove o un esempli di alc:
tal Votcent la Europe e vîf une gnove clime di atenzion pes manifestazions de culture popolâr (Federico Vicario, Documents de Ete di Mieç pal studi dal furlan antîc);
te infinide fantasie des manifestazions de nature a son une logjiche e ancje une cierte regolaritât (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
s.f.
dimostrazion publiche par poiâ o lâ cuintri alc o cdn.:
tra lis cuistions simpri cjaldis e je chê des servitûts militârs, che bielzà ae fin dai agns setante e veve mot manifestazions popolârs une vore partecipadis (Max Mauro, Un Friûl difarent: i 90 mhz di Onde Furlane);
intai agns 1965, 1967, 1971 e 1972 a Udin si son fatis manifestazions cun miârs di students lâts jù in place par rivendicâ la creazion di une Universitât furlane (Fabian Ros, Il fotogram mancjant. Un Friûl cence memorie storiche audiovisive)
Sin. dimostrazion
-
s.f.
spetacul public destinât a vê tante int:
al è dut inviât ancje pe manifestazion Suns, che, chest an, e cjaparà dentri musiche, cine e leterature intes lenghis minorizadis de Europe (Erika Adami, Fieste de musiche in lenghe);
par vie dal ultin dì di carnevâl, ancje la innomenade vile di Gargagnà Disore, e varà la sô manifestazion, cuntun grant bal (Josef Marchet, Lis predicjis dal muini)
Sin. avigniment
, event
, iniziative