dimostrazion
/-òn/
di|mos|tra|zi|on
[AF]
-
s.f.
il fâ viodi e capî in maniere clare, ce che al fâs viodi e capî in maniere clare:
tancj pecjadôrs, e massime i usuraris, […] a fasevin publiche dimostrazion di pintiment, scancelant i debits a ducj chei che a vevin cjolte monede di lôr (Angelo Floramo, 1348: il taramot che al cambià il paisaç);
chescj esemplis a son la dimostrazion che une gnove gjenerazion si svicinave aes tematichis dal autonomisim, puartant sensibilitâts e voi diferents (Max Mauro, Un Friûl difarent: i 90 mhz di Onde Furlane);
il plevan al mande a dî che al spiete di nô une dimostrazion di fede e al spere di no viodi, come l'an passât, dome cuatri carampans (Josef Marchet, Lis predicjis dal muini)
Sin. conferme
, segn
, segnâl
, prove
-
s.f.
[TS]
logj., mat.
serie dedutive di proposizions, operazions, argomentazions e v.i. che a permetin di provâ che alc al è vêr, just, coret:
la tradizion e atribuì a Talet di Milet la prime dimostrazion matematiche de storie (Adrian Cescje, Viaç aes origjins dal Logos)
-
s.f.
azion publiche, spec. coletive, par protestâ o par sostignî ciertis posizions politichis o sociâls o sim.:
i orientaments de seconde Assemblee e cualchi dimostrazion popolâr a puartarin a la formazion di un gnûf guvier cun sîs ministris (Giovanni Pillinini, Zuan Batiste Cavedalis - Une vite esemplâr)
Sin. manifestazion