Dizionari de Lenghe Furlane

espression  /-òn/  es|pre|ssi|on  [FO]

1. s.f. azion e risultât di esprimi, pandi, comunicâ, massime midiant dal lengaç:  cu la poesie tu sês libar. No si vuadagne nuie, e par chest e reste une forme di espression dulà che tu no tu âs di rindi cont a nissun des tôs sieltis (Walter Tomada, Pierluigi Cappello: «L’om plui concret? Il poete»); la leç regjonâl e domande la espression di volontât pal insegnament de lenghe furlane in forme diferente di chê sielzude de leç 482 (Adrian Cescje, Memoriis di politiche linguistiche)
   Sin. mostre¹
2. s.f. mût di dî, peraule o secuence di peraulis dopradis cuntun significât particolâr:  Joshua Fishman, un sociolinguist une vore cognossût, al à fat circolâ la espression "reversing language shift", che jo le tradûs cun "inversion de sostituzion linguistiche" (Xavier Lamuela, Une riflession su lis politichis linguistichis); la espression "Scac mat" e ven di dôs peraulis persianis: "Shah mata", che a vuelin dî: "il Re al è muart" (Nilde Teresa Negro, Zuìn di scacs)
   Sin. peraule , tiermin , vocabul
3. s.f. maniere di tignî il cuarp, e soredut la muse, che e fâs capî emozions, sintiments e v.i.:  la Madone, sul altâr maiôr, e tignive tal braç so fi copât, e e veve simpri chê espression di dolôr e di rassegnazion (Franca Mainardis, Il sium di Lissandri); la muse e pareve che e ves une espression di pâs, di content (Pieri Somede dai Marcs, La spiarie)
   Sin. ande , arie¹ , ciere , espressivitât , muse¹ , vivece
   
   1. maniere di fevelâ o recitâ vive o adatade al contignût, al test, al contest e v.i.:  lei cence espression
   2. intensitât comunicative, no dome verbâl:  une opare di art plene di espression
      Sin. espressivitât
4. s.f. manifestazion, risultât che si viôt di un cualsisei fenomen culturâl, sociâl, politic e v.i.:  une comunitât che si fonde su la sô lenghe tant che massime espression di se (Angelo Floramo, Cuintristorie dal Nûfcent 1990-2000); coordenament tra associazions e organizazions espression des diferentis comunitâts (Marc Stolf, Minorancis linguistichis); i patriarcjis di Aquilee e i imperadôrs di Sassonie de seconde part dal X secul […] a scomençarin une gnove ete che e varà tal Stât patriarcjâl la espression politiche plui plene (Gian Carlo Menis, Storie dal popul furlan)
   Sin. manifestazion , rapresentazion
5. s.f. element che al ven cjapât o calcolât tant che rapresentatîf di un fenomen plui grant, di une categorie, di une idee e v.i.:  une bestie come la vacje e jere buine pal lat e pe cjar ma, tal stes moment, e jere ancje espression di une fuarce positive (Franc Fari, Il cjâf dai furlans)
   Sin. simbul
6. s.f. [TS] mus. inte esecuzion di un toc musicâl, rilevance primarie al fraseç e ae cjantabilitât
   
   1. tai struments a cuarde, il moviment dai dêts de man çampe parsore lis cuardis
   2. regjistri dal armonium che al comande la intensitât dal sun leant soflets e antis
7. s.f. [TS] mat. serie di numars, letaris e simbui doprâts par rapresentâ un complès di operazions aritmetichis:  no i pensi dôs voltis par lâ a vore te cjase, cence pierdimi a fâ espressions di matematiche o a imparâ a memorie poesiis (AAVV, Sul florî)
8. s.f. [TS] filos. manifestazion de divinitât ai oms
   
   1. te filosofie di Croce, prime ativitât dal spirt leade al lengaç
9. s.f. [TS] ling. in glossematiche, significant
10. s.f. [TS] med. spec. in chirurgjie e ostetricie, compression par fâ vignî fûr alc