rapresentazion
/-òn/
ra|pre|sen|ta|zi|on
[AF]
-
s.f.
riproduzion, fedêl o ben rielaborade o simboliche, di alc o di cdn., midiant di figuris, segns, simbui e v.i.:
la cjarte gjeologjiche e je la rapresentazion des formazions di crets che a rivin in superficie, cence tignî cont di dut il rest (vegjetazion, infrastruturis, teren…) (Francesco Gobbo, Gjeologjie e paleontologjie ator di Preon);
une altre rapresentazion une vore impuartante e je chê de lote fra il gjal, simbul de lûs/ben, e la copasse, simbul dal scûr/mâl. Cheste rapresentazion si cjate sedi te aule Nord sedi in chê Sud (Franc Fari, Il cjâf dai furlans)
Sin. figurazion
, figure
, riproduzion
-
s.f.
descrizion verbâl, concetuâl o leterarie di fats, personis, situazions e v.i.:
la rapresentazion sientifiche de realtât e deventave plui precise e complete, comprimint il spazi de superstizion e de speculazion filosofiche (Sergio Cecotti, Teologjie algjebriche)
Sin. figurazion
, descrizion
-
s.f.
spetacul, soredut di teatri:
prime la prove gjenerâl de comedie, po il salût al vescul e aes autoritâts […] e, tal ultin, la rapresentazion denant di tante int, ancje foreste (Pieri Menis, Il cjaveç)
Sin. spetacul
-
repliche di un spetacul:
grant sucès, cun 30 rapresentazions (Bepi Agostinis, Storie e cronistorie dal teatri in Friûl)
Sin. spetacul
-
s.f.
element, soredut struturât e complès, che al è espression di alc o di cdn., ancje di une comunitât:
nol è avonde definîsi, se po dopo a cheste definizion no i corispuint une rapresentazion istituzionâl direte: o sin une nazion cence stât. A dîle dute, o sin une nazion intun altri stât, la Italie (Dree Valcic, Un referendum cuintri lis nestris divisions)
Cfr. rapresentance
-
s.f.
[BF]
espression formâl di contrarietât e proteste:
soltant nel câs, cuant che i ordins di un superiôr fossin contraris al servizi e a la zurada fedeltât del so Sovran, o pûr che evidentmentri avès par ogjet una altra cjativa azion, al è permitût, anzi dovê di fâ de lis rapresentazions, e di no eseguî i tâi ordins (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Sin. rimostrance