spetacul
/-à-/
spe|ta|cul
[FO]
-
s.m.
rapresentazion denant di un public:
[Paolo Patui] cun Bartolini al compon il test teatrâl "Bigatis, storie di feminis furlanis in filande" (2000), prin spetacul furlan inserît tal cartelon dal "Giovanni da Udine" (Bepi Agostinis, Storie e cronistorie dal teatri in Friûl);
ducj i libris che o ai let, ducj i spetacui che o ai viodût, ducj i discs che o ai scoltât mi àn cence dubi lassât alc (Checo Tam, La maree nere);
la capitâl furlane e jere deventade par cualchi dì il centri di dibatiments animâts, di spetacui, di dimostrazions publichis su chel che sience, tecnologjie e inovazion a prometevin al gjenar uman (Angelo Floramo, Cuintristorie dal Nûfcent 1900-1910)
Sin. esibizion
, rapresentazion
-
ognidune des rapresentazions compagnis tra di lôr di une cierte opare:
o volaressin savê se il spetacul des nûf nol è (Caterina Dose, La sintassi delle frasi interrogative nelle varietà friulane)
Cfr. repliche
-
s.m.
dut il setôr di ativitâts che al zire ator des rapresentazions pal public:
promovi la lenghe furlane tai setôrs de editorie, dal spetacul e de ricercje sientifiche (Donato Toffoli, Relazion dal Grup di lavôr "Planificazion linguistiche")
-
s.m.
cualsisei robe che e ven viodude, spec. se e je fûr dal ordenari:
si jere brusade une cjase tal borc disore, e i fruts a jerin corûts fûr di scuele par no pierdi chel spetacul (Agnul di Spere, I prâts des Savodagnis);
chel che o viodevi di là sù, il mâr al jere chel vîf, un spetacul che mi veve fat restâ di clap (Alan Brusini, Come tai romançs)
-
s.m.
ce, cui che al fâs maraveâ par carateristichis positivis:
sù fin a Braulins cul puint che al travierse il Tiliment: un spetacul blanc e celest (Alan Brusini, Par stradis lungjis);
i fîcs blancs po… un vêr spetacul: gruessons e dolçs come la mîl (Angelo Covazzi, I fîcs)
Sin. maravee
-
(scherç., iron., antifr.)
ce o cui che al lasse maraveâts, ma no par cualitâts positivis:
Meni Jaroni: un spetacul! Piçul, ma tont; sessante agns; trê spelocs suntun cjâf une angurie; losc; strupiât; vedran (Meni Ucel, Messe a straoris);
un rumiant velen cu la sô biciclete fracassade, chel altri smadonant par vê fatis dôs oris di ritart. Ce spetacul! Ce costrut! Ce biele mostre di inteligjence! (Josef Marchet, Lis predicjis dal muini)