maravee
/-vè-/
ma|ra|ve|e
[FO]
-
s.f.
impression vive par un acjadiment no spietât, straordenari, subitani:
a fasevin lis fusetis coloradis, al jere un cisicâ sot lis vintulinis des sioris, dut un batimans, un oh! di maravee (Alan Brusini, Come tai romançs);
al sta li cu la bocje vierte e i voi svanîts di maravee (Dino Virgili, Il cîl sot aghe)
Sin. scatûr
, sorprese
Var. marivee
, meravee
, maraveie
-
s.f.
(fig.)
manifestazion, massime de nature o de art, di grande bielece:
stanziis che a vevin maraveis di cuadris, di sculturis, di mobii (Alan Brusini, Come tai romançs);
la statue di Zeus [di Olimpie] e jere considerade tal mont antîc la prime des siet maraveis dal mont (Adrian Cescje, Viaç aes origjins dal Logos)
-
persone o ancje bestie o robe une vore biele o cun cualitâts straordenariis o che e fâs une vore di plasê:
si sentarin suntune bancjute tal soreli, a cjalâ il lât. Stâ li a fevelâ e a cjalâ il lât e a pensâ e jere une maravee (Agnul di Spere, Il puint de ledre);
Mirco al cjalave lis culinis de France, ce maravee sul prin Istât! (Alan Brusini, Par stradis lungjis)
Sin. amôr
, bielece
, bisù
, delizie
, incjant1
, sflandôr
, splendôr
-
s.f.
spetacul o at di abilitât, ancje fat devant di un public tant che atrazion:
po si meterin a fâ dei zughets: - Cumò mo, al disè il Signôr, vuei fâ ancje jo la mê maravee. Eco ca il mio baston: cui di voaltris isal bon di fâlu stâ in pîts in mieç de taule? (Catarine Percude, Il solt del Signôr);
nus veve fat implantâ un teatrin su la sale de ostarie de «Cjampane» cun telis, linzûi, cjarte di gjornâi incolade e piturade a la buine e frascjis di orâr: une maravee pal paîs (Pieri Somede dai Marcs, Sant Simon: 28 di Otubar 1917)
-
s.f.
risultât o prodot straordenari:
al è une maravee di tunel (Agnul di Spere, Fieste di inaugurazion)
Sin. miracul
, portent
-
s.f.
fat o acjadiment che al fâs scjas, che al somee gnûf o strani, ancje no dome in positîf:
- Aial viodût ce maravee che nus à fat, il nestri fion… [tornât de vuere cuntune brute feride te gjambe] - dissè la none (Pieri Menis, Sul agâr)
-
s.f.
spec. tal pl., robe strambe:
no stâ a vignîmi fûr cun maraveis cumò, che no ai timp di pierdi
Sin. novitât
, strambarie
-
s.f.
(iron., antifr.)
in esclamazions, negazions, espressions retorichis e v.i., robe dal dut naturâl:
ce maravee che si vebi pierdude la fede in chestis idealitâts dal mieç secul plui neri che la storie e vebi mai regjistrât! (Josef Marchet, Il cîl nulât)
Polirematichis e espressions idiomatichis
Proverbis:
- dutis lis maraveis a durin trê dîs
- nissune maravee no dure plui di trê dîs
- ogni grant maravee e dure trê dîs
