splendôr
splen|dôr
[CO]
-
s.m.
emission o riflès di lûs vive:
in mieç al batibui spiche la vôs / mo del canon, mo de cjampane grande... / in alt, tra el fum, un brut splendôr di fûcs (Pieri Corvat, El cuarantevot);
lis montagnis in corone / biel turchinis di colôr, / e la nêf de mont Cjanine / che sot sere e fâs splendôr (Ercole Carletti, Il cjant de lontanance)
Sin. lusôr
, luminositât
, lûs
, sflandôr
-
s.m.
(fig.)
carateristiche di ce o di cui che al è une vore biel, siôr, prospar, gloriôs, elegant, plasevul e v.i.:
il puest di Aquilee romane, al fo cjapât da Cividât langobart: une gnove prosperitât, un gnûf splendôr e une gnove art e cjapà pît e si svilupà te capitâl dal ducât (Josef Marchet, Cuintristorie dal Friûl fin sot la Italie)
Sin. sfladôr
Cfr. pompe2
, sontuositât
, opulence
, ricjece
, bielece
, bondance
-
ce o cui che al è une vore biel, siôr, prospar, gloriôs, elegant, plasevul e v.i.:
"Sono del lôr zardin chês bielis rosis?" "Sì; sono nancje un splendôr? O lis ai cjoltis sù cumò par furnî il salotin" (Bepo Marion, Il canocjâl de contesse);
e ce splendôr di automobil! (Bruno Paolo Pellarini, Comari 'Sese)