bondance /-à-/ bon|dan|ce [AF]
-
s.f.
grande cuantitât, di plui di ce che al baste:
in glesie, il luminut tal veri colôr sope di vin al veve simpri bondance di vueli par vivi dute la gnot (Maria Forte, La rive di Sant Pieri);
par no tornâ une altre dì mi soi fermât in ufici par firmâ un pâr di circolârs, che di chês, come simpri, e jere grande bondance (Pieri Somede dai Marcs, La veretât e va ben simpri dite)
Sin. ricjece
Var. abondance
Cfr. bubane , colmace , cucagne , mache , svuaç- grande cuantitât di bêçs, risorsis, comoditâts e v.i.: za par chê bondance che ai e che ai vût in vite mê, che il fol mi foli se doi trê coculis di chest mont (Luigi Gortani, Meni Fari); no stavin mâl di vê miserie, ma nancje trope bondance; a sbarcjavin il lunari cun dignitât (Roberto Ongaro, Cretevierte)
- s.f. dal cuarp, il jessi formôs o gras: cuntun vistît di lane colôr solferin che i segnave dute la bondance di une zoventût stagjonade di un pieç (Pieri Somede dai Marcs, Un testament)
- bondance di boris, miserie di panolis
- e je brute la miserie, e je piês la bondance
- i debits che si fâs par bondance, si ju paie par cjaristie
- la pâs e je la mari de bondance
- malatiis di fruts, anade di bondance
- miserie a fâs industrie, industrie a fâs bondance, bondance a fâs massepassudance e massepassudance a torne a fâ miserie
- ni par bondance ni par cjaristie no reste la cjar in becjarie che il cjan o il gjat le puartin vie
- spice di cûl, bondance di fave
