lusôr
lu|sôr
[FO]
-
s.m.
ent fisic, che al ven di une font naturâl o artificiâl, che al fâs che si puedin viodi lis robis cun clarece:
co al leva il soreli, al prin lusour dal dì, / Vissens cul so cjaval di scundion l'è partît (Pier Paolo Pasolini, Il soldât di Napoleon);
a è gnot, une lampadine sot un plat di smalt e fâs un pôc di lusôr (Pieri Somede dai Marcs, Un pugn di moscjis)
Sin. lûs
Var. losôr
-
s.m.
puest o posizion li che a batin i rais dal soreli o di une altre font luminose:
cjalât il smaltin de svearine tal lusôr di un fulminant, al jevà e al cjatà la nêf sul puiûl (Maria Forte, L'avôt)
-
s.m.
ogjet che al mande rais luminôs:
di che altre bande di un lât si viodeve i lusôrs di un alc che al someave a une nâf (Agnul di Spere, In viaç di domenie)
Sin. lûs
-
aparât par iluminâ:
tal vagon e jere pocje lûs e lui nol veve volût impiâ il lusôr eletric par no dismovi un vieli che al durmive (Agnul di Spere, Chê dì che al neveà a Vignesie);
la glesie jere plene di int, e l'altâr plen di lusôrs (Pieri Somede dai Marcs, Gnot di Nadâl)
Sin. lûs
, lum1
-
s.m.
(fig.)
element, aspiet positîf, gloriôs, bon, legri e v.i.:
int che si è cjatade cence cjase, cence robe, cence prospetivis, cence lusôr dentri di se e denant di se (Antoni Beline, Sant Jacum, là che al finìs il mont);
Rome imperiâl, parone dal mont, lusôr da la umanitât, fontane dal dirit, mari de civiltât? (Josef Marchet, Cumò che o savìn…)
-
robe cjare, lussuose:
procurâ la bocjade a chei canais. E mico ce lusôrs, ve: cuatri cartufulis e un piç di lidric (Josef Cjargnel, La farine dal diaul)
Polirematichis e espressions idiomatichis
Proverbis:
- a lusôr di cjandele, ni femine ni tele
- al vâl plui un lusôr denant che no cent daûr
- cuant che il paron al distude il lusôr, al fâs par dâje tal nâs al servidôr
- cui che nol à lusôr che al ledi a durmî a scûr
- la lune ur fâs lusôr ai laris e ai inamorâts
- studât il lusôr a àn ducj chel savôr
- un plat di mancul e un lusôr di plui