Dizionari de Lenghe Furlane

pompe²  /-ò-/  pom|pe  [AF]

1. s.f. ostentazion di ricjece, di sflandôr, di buinis cualitâts e v.i.:  la tiere, une vere tiere promesse, a faseve pompe di une vegjetazion cussì straordenarie, che lui no 'nd veve mai plui viodude ni imagjinade une compagne (Luigi Gortani, Un paîs misteriôs)
   Sin. biele mostre , mostre¹ , ostentazion , esibizion , sflocje
   
   1. ande supierbeose o une vore formâl:  a lis rimostrancis dal mestri diretôr di orchestre, el rispuindeve mostrant cun pompe il mani imbrucjât e tontonant a chei altris sunadôrs: "Mussats, e sês voaltris che e stonais…; la brucje no fale!" (Bepo Marion, Il Pari Eterno)
      Sin. braùre , solenitât , orgoi , svant
2. s.f. aparât sflandorôs, soredut par celebrâ cun solenitât o par mostrâ elegance, ricjece, podê e v.i.:  la domenie dopo si invie la procession cun grande pompe, e va jù a Val, e passe denant de canoniche e e tache la rive di Rualp (Antoni Beline, La fabriche dai predis)
   Sin. sflandôr , lus¹ , fast , magnificence , sontuositât