Dizionari de Lenghe Furlane

tiermin  /-è-/  tier|min  [FO]

1. s.m. limit di une superficie, di un teritori:  a è cuestion nomo di cjermins e cunfins / copâ un di ca: tu sês sassin; copâ un di là: tu sês eroe (Giorgio Ferigo, Un soldatin); i cjaminarin fin che i rivarin denant di une muraie: il cjermin ultin che al segnave il cunfin cul nie (Stiefin Morat, Kebar krossè)
   Sin. confin , ôr , limit
   Var. cjermin , tiermit , cjermit
   
   1. toc di piere o altri element che al segne i limits di une proprietât:  i pilastris, lis veris dai poçs, i angolârs dai mûrs, i tiarmits de proprietât e des servitûts a jerin fats di blocs di piere (Riedo Pup, I furlans e il cjistiel)
      Sin. clap
2. s.m. (fig.) limit concetuâl, astrat e v.i.:  plen di gratitudin par chel che i veve dât, pe ricognossince di chel amôr cence tiermins (Roberto Ongaro, Il muc); i autôrs elenics a cognossevin lis oparis omerichis cun grande competence e si riclamavin a chês ancje di là dai tiermins de poesie eroiche (Sandri Carrozzo, Pierluigi Visintin, Jentrade de Odissee)
3. s.m. (fig.) fin temporâl, moment che al finìs alc:  dome l'om, cjapât at dal so miserabil evolvi, disperât e cence tiermin, […] al pues inmaneâ chê disfide che lu stice ae ricercje de veretât (Fabian Ros, Il lôf)
   Sin. conclusion , finâl , finiment , insom , fin²
   
   1. limit di timp che dentri di chel si à di fâ une cierte operazion:  la leç 29/2007 e previodeve la redazion di un regolament aplicatîf dentri dal tiermin di 6 mês (Sandri Carrozzo, Vuere e pâs - Il conflit linguistic in Friûl jenfri vuere cidine e pâs bausarie); metiti a preparâ cheste citazion, se no mi scjât il tiermin just (Pieri Somede dai Marcs, L'avocat e la luianie)
4. s.m. element che al ven considerât intun resonament, intune descrizion e v.i.:  par vê cualchi tiermin di riferiment a nivel internazionâl, o vin di tignî presint che la cuote di ocupazion no utilizade de Gjermanie tal 2016 si è fermade al 5,4% (Fulvio Mattioni, Il futûr dal Friûl: laude ae "no sotan" economy)
   Sin. element
   
   1. gram. il subiet e il predicât
   2. logj. ognidun dai trê concets che a componin lis proposizions di un silogjisim
   3. mat. element di une operazion matematiche:  Einstein nol voleve soluzions di cheste fate te sô teorie e duncje al zontâ un altri tiermin a lis sôs ecuazions, la costante cosmologjiche, par eliminâ lis soluzions cun univiers che a nassin dal nuie (Sergio Cecotti, Teologjie algjebriche)
5. s.m. massime tal pl., ognidun dai elements principâi che a permetin di definî alc:  o vin juste tocjâts i tiermins di cheste situazion, che e vûl studiade cun calme e serenitât; o tornarìn ancje sul argoment (Josef Marchet, In cercje di democrazie); [l'assolutisim militarist] mot des strentis visions politichis che lu caraterizin, al detà i tiermins di une politiche vuarbe e tibiadore (Carli Pup, La seconde Irlande)
   Sin. cemût , cussì , di chê bande , par vie
6. s.m. peraule o espression specifiche di une cierte lenghe, di une cierte dissipline, di un ciert regjistri e v.i.:  un grum di tiermins che a son masculins tal latin leterari, a son feminins par furlan o a ricontrari (Josef Marchet, Cuintristorie dal Friûl fin sot la Italie); paisaç al è un tiermin doprât une vore in chescj timps ma ce che al vûl dî al è cambiât cetant dilunc da la storie (Rino Gubiani, Studi da la evoluzion dal paisaç mediant i toponims)
   Sin. dit , espression , sproc¹ , vôs

Proverbis:

• il lôf nol mangje il tiermin