dit
dit
[CO]
-
p.pass., adi.
viôt dî
, viôt dîsi
Var. det
-
adi.
[FÛ]
in documents antîcs, prime de indicazion di cdn. o di alc par rimarcâ che al è za stât nomenât:
r(icevei) jo Zan a dì XVII di Otom di Francisco soro lu dit dazi soroscrit mar(cjis) II (Odorlì di Cividât, Cuader di Odorlì di Cividât)
-
adi.
[FÛ]
in documents antîcs, par introdusi un non propri di persone, ancje un sorenon, o di lûc:
Andree di Toni dit dal Tai (Franco Marchetta, Madalene)
-
s.m.
azion e contignût dal dî, dal fevelâ:
na dì, dopo da vê tignût sù Gaspar cul dit che a Tunina a i era vignût un pôc di matetât e che al coventava spetâ che a i fos passada, Rosa a cjapà il fantat […] (Novella Cantarutti, Li Anzuliti)
-
s.m.
maniere di dî fissade de tradizion:
"Talis vita - finis ita" / […] / ma se al è vêr chest dit, / a i tocje murî plen di apetit (Pieri Çorut, Il Strolic furlan par l'an 1821)
Sin. detule
, proverbi
, massime3
Proverbis:
- ce che al è dit al è dit
- dal dit al fat al passe un grant trat
- une peraule ben dite e juste une malegracie mâl fate