Dizionari de Lenghe Furlane

proverbi  /-è-/  pro|ver|bi  [AF]

1. s.m. sproc curt che al pant une regule, une idee, une indicazion pratiche di vite tirade fûr de esperience:  "a lâ daûr plume, nuie si ingrume": proverbi de la Alte, indulà che e san par pratiche ce che al vûl dî pal contadin la passion del oselâ (Catarine Percude, L'oseladôr); "robe robade no à durade" al dîs il proverbi (Pieri Menis, Doi pizighets e un lari)
   Sin. disade , dit , sproc¹
   Var. proverp
2. s.m. [TS] religj. tal pl., cun iniz. maiusc., tierç dai libris sapienziâi de Biblie:  cui che al dopre ben il so cjâf al à te man diestre une lungje vite, invezit cu la çampe si pues dome rafâ bêçs e onôrs (Proverbis 3,16) (Franc Fari, Il cjâf dai furlans)

Proverbis:

• i viei a àn lassât i proverbis e a àn mangjade la robe