confin
/-ìn/
con|fin
[FO]
-
s.m.
limit di une superficie, di un teritori individuât daûr di un ciert criteri, par esempli aministratîf, istituzionâl, linguistic, climatic, di proprietât e v.i.:
ducj a son corûts a difindi i confins a soreli jevât de nestre tiare, dal Friûl (Alviero Negro, Strumîrs e Çambarlans);
si tirin vie dutis lis boschetis, i arbui a confin dai cjamps i baraçs, par sacomâ une campagne desolade (Max Mauro, Un Friûl difarent: i 90 mhz di Onde Furlane)
Sin. frontiere
, ôr
, tiermin
Var. cunfin
-
s.f.
(ant.)
ancje feminin in documents antîcs:
in lis detis confins (Jacuç Muntisan, Cuader de Plêf di Sante Marie Maiôr di Glemone, 1378-79)
-
s.m.
piere, pâl, stangje e v.i. che a segnin il limit di un teritori:
il gjeometre al à verificât la posizion dai confins
Sin. clap
, pâl
, piere
, sbare
, stangje
, tiermin
-
s.m.
massime tal pl., part, puest plui lontan:
vôi di int sfurtunade, neâts tune lûs lontane e ofegade, cun colôrs smamîts di pradariis, e colôrs che si movevin cu lis corsis dai cjavai, viers confins pierdûts... (Maria Forte, La Madone de Pâs)
Sin. cei
, estrem
, fin2
, frontiere
, limit
, limit estrem
, misure
, ôr
, rivâl1
, tiermin
, ponte
-
s.m.
misure di polizie, che si usave massime sot dal fassisim, che e obleave a vivi intun lûc lontan dal comun di residence par un timp determinât:
i àn fate nome la denunzie e chel puar diaul al scugnì lâ al confin jù pes Calabriis nome par vê dite che in Abissinie nol ocoreve lâ, che la Abissinie, nô, le vin in cjase (Alan Brusini, Chei di Cjasarse)
-
s.m.
(fig.)
limit che al segne la distinzion jenfri robis che no son o che no àn une superficie, ancje astratis:
la sô realizazion e il so bon esit a dipendin de disponibilitât dai insegnants a modificâ il mût di lavorâ e a superâ i confins de lôr dissipline par vierzisi a colaborâ cui docents des diviersis materiis (Alessandra Burelli, Educazion plurilengâl tes scuelis furlanis)
Sin. limit
Proverbis:
- il lôf nol mangje il confin
- int di confins o laris o sassins