Dizionari de Lenghe Furlane

cei  /-è-/  cei  [AF]

1. s.m. viôt cee :  "O sin int libare noaltris!" a disevin i Batistons alçant il cei e sburtant fûr il stomi! (Dino Virgili, La aghe da pît la cleve)
2. s.m. espression dai voi, de muse, soredut se agressive o triste:  al comparìs su la puarte cuntun cei di pofarbio (Anute Fabris, A passe la scalmane); a voltis ancje cumò di viele, a none Lise i tornave tal cjâf, chel cei dûr [de agne Baldasse] (Maria Forte, Cjase di Dalban)
   Sin. cee
   Cfr. muse¹ , ande , voli
3. s.m. teren dongje di un fossâl, di une strade, di un precipizi, di un dolaç e sim.:  Marcut e so barbe Pieri a jerin in pîts sul cei de strade (Raffaele Serafini, La balene); un dragat vert, vignût cui sa dontri, si jere covât sul cei di chel riul (Josef Cjargnel, Il dragat dal Fontanon)
   Sin. ôr , margjin
   
   1. linie o zone che e corispuint al limit di alc o che e je dongje dal limit di alc:  a vivin sul cei de citât (Ivano Urli, Storie di Vera)
   2. (fig.) pont, situazion une vore dongje di alc:  nus àn puartât sul cei di un anientament culturâl (Franc Fari, Identitât e universalitât inte Bibie)

Polirematichis e espressions idiomatichis

• bati cei loc.v.
• cence bati cei loc.av.