cee
/cè-/
ce|e
[AF]
-
s.f.
spec. tal pl. ognidun dai pêi arcâts che a stan sul ôr de palpiere e i ôrs stes des palpieris:
lis lagrimis i restin a trindulâ par un pôc su lis ceis, prime di gotâ planc su la piel frescje de muse (Angelo Floramo, In chê dì. 10e pontade)
Var. ceie
-
s.f.
striche di pêi sore dal voli, da pît dal cerneli:
meti fûr il cjavut pe barconete de colombere, cu la man su lis ceis a parâsi dal soreli e la orele in scolte (Dino Virgili, La aghe da pît la cleve);
Bonan al sbasse il cjâf e lu cjale jenfri des ceis e dai ocjâi: «O stimi vô, jo!» (Riedo Pup, Predis di ogni fate)
Sin. cei
-
s.f.
espression dai voi, de muse, soredut se agressive o triste:
la cjape e la sgjavele cu une cee di rabiôs (Toni Broili, I gjats)
Sin. cei
Cfr. muse1
, ande
, voli
-
s.f.
[BF]
struture largje o slungjade:
va jù il soreli daûr di chê cee / di nûl là insomp (Enrico Fruch, Madone di Setembar)
Polirematichis e espressions idiomatichis