piere
/-ié-/
pie|re
[FO]
-
s.f.
agregât di minerâi plui o mancul dûr, doprât tant che materiâl di costruzion, decorazion e v.i.:
a vevin corût par stradelis sgjavadis te piere, sul ôr di forans di fâ vignî l'inzirli (Carlo Sgorlon, Il dolfin);
la gnove evoluzion de buteghe dal Magister Johannes, che e je documentade te colossâl statue di piere su la façade dal domo di Glemone (Bepi Agostinis, Storie de art in Friûl)
Sin. cret1
, clap
-
s.f.
toc di chel materiâl plui o mancul grant:
si viodile ancjemò, là sù, la Buse dal Diaul; e je une piere cuntune olme a ûs talponade di cristian (Josef Cjargnel, Madone di Mont);
une piere scuadrade, slisse, cun peraulis che no si capissilis (Dino Virgili, La aghe da pît la cleve)
Sin. clap
-
ancje in sens coletîf:
une glesie stupende, ben proporzionade, dute di piere (Arturo Feruglio, Viaç a Vignesie)
-
s.f.
ogjet o imprest fat di chel materiâl, in gjenar specificât daûr de sô funzion, ma ancje no specificât, doprât par antonomasie o identificât par vie dal contest:
un on vieli che uçava sora una muela a man una roncea; «Barba, vignît, vi prei, cun la vuestra barcja a butâmi fin a Grau; mê mari l'è par murî[…]». «Oh, par murî!» al rispundè maraveiât chel altri on, seguitant a zirâ la piera che zemeva sot il fiar che lusiva (Federigo Comelli, Il me paîs);
al amirave chel sbati e tornâ a sbati des piecis blancjis su la piere dal lavadôr (Roberto Ongaro, Cretevierte)
-
s.f.
lapide di une tombe:
lassâ cence une piere, cence un fregul di crôs, cence une rose lis tombis de famee (Josef Marchet, Lis predicjis dal muini)
Sin. clap
, lapide
, monument
-
s.f.
[CO, TS]
med.
viôt mâl de piere
:
la gjandusse, la fistule, e il bugnon, / la piere, la roture, e lu balon (Ermes di Colorêt, I, 35)
Polirematichis e espressions idiomatichis
Proverbis:
- a fuarce di cori sù e jù, ancje la cuarde e fruie la piere dal poç
- dulà che si passe la etât biele ogni piere a fevele
- la gote continue e sbuse la piere
- la gratitudin e à di jessi scrite su la piere, la ingratitudin sul savalon
- no stâ muardi prin di savê se e je piere o pan