Dizionari de Lenghe Furlane

clap  clap  [FO]

1. s.m. toc di piere avonde piçul:  mah, mi pareve che al fos cualchidun che al tiràs claps tai scurets, ma no si viôt nissun (Roberto Ongaro, Il muc); la aghe subit in bande si rondole jù cjantant pai claps (Dino Virgili, Il mulin)
   Sin. balot² ipon. , cogul ipon. , concul ipon. , slavare ipon. , piere iper. , cret¹ iper.
2. s.m. toc di piere no tant piçul, tant di jessi doprât par esempli, tant che materiâl di costruzion, se al ven doprât insiemi cun "piere" al pues segnâ tocs un pôc plui piçui o mancul preseâts o mancul lavorâts:  une cjasute di clap di pît sù cun trê scjalins di piere, il fogolâr e une Madone piturade sul mûr (Alan Brusini, Come tai romançs); ducj i claps, ducj i claps di chê muraie / jo ninine ju ai contâts / a son mil tresinte cuindis / se no ai dismenteât (Popolâr, Ducj i claps); Guri al cjale il mûr gnûf: claps grancj, claps piçui, modon, e tai jenfris, scais cu la malte (Dino Virgili, La aghe da pît la cleve)
   Sin. cret¹ , piere
   
   1. clap avonde grant che al fâs di soiâr disot di une puarte, plui di dut de puarte de cjase:  tancj di chei fats che barbe Meni al veve passade dut il rest de sô vite a contâju sentât sul clap di cjase, nancje che la vuere di là jù e ves durât cent agns a lunc (Alan Brusini, Par stradis lungjis)
      Sin. pat² , pat de puarte , soiâr , soiâr de puarte
3. s.m. materiâl minerâl:  di laudâ no vuei cjapâmi l'impegn, parcè che o soi persuadût che a nol sedi di dî ben altri che di me e de mê famee di clap [lis statuis di place Contarene] (Guido Antonioli, Florean dal Palaç, I, 1); un lastron di clap ben scuadrât (Pieri Menis, Lis leiendis di Buie)
   Sin. piere , cret¹
4. s.m. spice di cret, massime tai toponims:  il Clap dal Agnel al è un spiç di dolomie di etât noriche, di plui di 200 milions di agns indaûr
   Sin. cret¹ , crete
5. s.m. toc di piere, in câs ancje segnât di scritis, doprât par segnâ un confin:  Diu nus vuardi a tocjâ i claps tai cjantons dal cjamp, al è come robâ; [insom dal paîs] sot il ferâl al jere il clap cul non di Rivuinis di sù (Dino Virgili, La aghe da pît la cleve)
   Sin. tiermin
6. s.m. lastre di piere che e segne une tombe:  la glesie e je adalt de crete […] e il cimitieri in bande cul ristiel sierât dongje, e la jerbe sul prât che e tapone i claps e i nons (Dino Virgili, In scolte…)
   Sin. lapide , tombâl²
7. s.m. [CO, TS] med. concrezion cristaline di sâi minerâi o di materiâl organic che si forme in cierts orghins:  un an pre Pitin al jere tal Ospedâl di Udin, cui claps intal fiât (Antoni Beline, Pre Pitin)
   Sin. calcul² , piere , renele

Polirematichis e espressions idiomatichis

• a un tîr di clap loc.av.
• cûr di clap loc.s.m.
• di ca dal clap loc.av., loc.adi.inv.
• di là dal clap loc.av., loc.adi.inv.
• mâl dal clap loc.s.m.
• movi un clap loc.v.
• puartâ claps te Tor loc.v.
• restâ di clap loc.v.
• sot di ogni clap loc.v.
• tirâ un clap te poce loc.v.
• un tîr di clap loc.av.
• vê un cûr di clap loc.v.

Proverbis:

• clap che si môf nol fâs muscli
• di un clap si vuardisi ma di une malelenghe no
• gote spesse e fore il clap
• il clap al è fûr e il diaul al è daûr
• il clap che nol fâs muscli al è un mâl clap
• il mat al bute il clap tal poç e il savi al scuen gjavâlu
• il traditôr al trai il clap e al scuint la man
• la cjase dai contents e je ancjemò di fâ, e no cjatin claps di fabricâ
• miôr il clap che no la buse
• no mai fâ un mûr se si viôt un clap cu la ponte infûr