di là dal clap
[CO]
-
loc.av.
di chê altre bande di un confin:
di là dal clap, in Slovenie, te zone clamade di Rošna Dolina, ven a stâi la Valade des Rosis (Angelo Floramo, Carolina Luzzatto Coen, une feministe in lote pai dirits civîi)
-
(fig.)
fûr di un limit just, di une misure juste:
«No mi plasês Talian… O vais di là dal clap. Jo o sai che al è un Diu e o voi a preâlu in glesie.» (Maria Forte, La tiere di Lansing);
alore vie cafè par parâ jù il cognac e dentri cognac par parâ jù il cafè. Al jere misdì passât e nô o jerin di là dal clap [bevûts di plui di ce che al jere just] (Antoni Beline, Pre Pitin)
Sin. fûr dal vade
, fûr di mût
, fûr di misure
, parsore
-
(fig.)
ta chel altri mont:
"Alore al è vîf [vuestri pari]?" "Po no, a son tancj agns che al è lât di là dal clap che no si visìn plui nancje se al jere vîf" (Pieri Somede dai Marcs, L'avocat e la luianie)
-
loc.av., loc.adi.inv.
tal Friûl o dal Friûl di là dal confin jenfri Ream di Italie e Imperi, tune prospetive che e pues jessi chê dal Friûl centrâl o chê dal Friûl orientâl:
Il Friûl "di là dal clap" al restarà sot da l'Austrie fintremai dal 1918 (Luche Nazzi, Nus covente une Patrie);
E che al sedi vignût a la lûs propri tal Friûl orientâl e che al vedi tante finece di lenghe e di sintiment furlan di podê insegnâgji une vore a ducj, a chei di ca e di là dal clap, al ûl dî ne vorone par me (Ugo Pellis, Dôs cjacaris di Vencul - Prefazion a Instoriis e liendis furlanis)
Components:
